ପାଚିକାରୁ ପରୋପକାର କେଉଁଥିରେ କମ୍ ନୁହଁନ୍ତି ଦିବ୍ୟାଙ୍ଗ ରବୀନ୍ଦ୍ର

ମହାକାଳପଡ଼ା: ସେ ଜଣେ ଦିବ୍ୟାଙ୍ଗ । ହେଲେ ନିଜେ ନିଜ ଉପରେ ଆତ୍ମନିର୍ଭର । ବିଦ୍ୟାଳୟରେ ପୁରଷ ପାଚିକା ଭାବେ କାର୍ଯ୍ୟ କରୁଥିବା ରବୀନ୍ଦ୍ରଙ୍କ ନିଶା ଶିକ୍ଷାଦାନ । ବିଦ୍ୟାଳୟରେ ପାଚିକା ଭାବେ କାମ କରୁଥିବା ରବୀନ୍ଦ୍ର ସମୟ ମିଳିଲେ ଛୋଟ ଛୋଟ ପିଲାମାନଙ୍କୁ ପାଠ ପଢାଇଥାନ୍ତି । କେବଳ ସେତିକି ନୁହେଁ ପଞ୍ଚାୟତରେ ପରୋପକାର କାମ ପାଇଁ ବେଶ୍ ଚର୍ଚ୍ଚିତ ରବୀନ୍ଦ୍ର ।

Meet Disabled Man Rabindra Of Kendrapada

କେନ୍ଦ୍ରାପଡ଼ା ଜିଲ୍ଲା ସୁନୀତି ପଞ୍ଚାୟତ ଖରଆଣ୍ଟା ଗାଁ ରବୀନ୍ଦ୍ର ନାୟକ । ଜନ୍ମରୁ ଦିବ୍ୟାଙ୍ଗ, ହେଲେ କାହାରି ଉପରେ ନିର୍ଭରଶୀଳ ନୁହଁନ୍ତି ସେ । କାପୁରାଇ ବିଦ୍ୟାଳୟରେ ପୁରୁଷ ପାଚିକା ଭାବେ କାର୍ଯ୍ୟ କରିବା ସହ ସମୟ ମିଳିଲେ ଛୋଟ ଛୋଟ ପିଲାମାନଙ୍କୁ ଶିକ୍ଷାଦାନ ଦେଇଥାନ୍ତି । ଏହା ସହିତ ସ୍କୁଲ ପରିବେଶ ପରିଷ୍କାର ରଖିବା ସହ ବିଦ୍ୟାଳୟର ଉନ୍ନତିମୂଳକ କାର୍ଯ୍ୟରେ ମଧ୍ୟ ଲାଗି ପଡ଼ିଥାନ୍ତି ।

Meet Disabled Man Rabindra Of Kendrapada

ଶିକ୍ଷାଦାନ ସହ ପରୋପକାର କାର୍ଯ୍ୟ ପାଇଁ ମଧ୍ୟ ରବୀନ୍ଦ୍ରଙ୍କ ବେଶ୍ ଚର୍ଚ୍ଚା । ଗାଁରେ ନଳକୂପ ସଜାଡ଼ିବା ହେଉ କି କାହାକୁ ବାର୍ଦ୍ଧକ୍ୟ ଭତ୍ତା । ସବୁଥିରେ ଆଗଭର ହୋଇ ନିଜ ତିନି ଚକିଆ ଟ୍ରାଇ ସାଇକେଲ ଧରି ତୁରନ୍ତ ବାହାରି ପଡ଼ନ୍ତି ରବୀନ୍ଦ୍ର । ଜଣେ ଦିବ୍ୟାଙ୍ଗ ହୋଇଥିବା ବେଳେ ତାଙ୍କର ଏପରି ପରୋପରାକାରୀ କାର୍ଯ୍ୟକୁ ସମସ୍ତେ ବେଶ୍ ପ୍ରଂଶସା କରୁଛନ୍ତି ।

Leave a Reply

Your email address will not be published.