ଔଷଧରେ ପାଣି ବଦଳରେ ଏସବୁ ପାନୀୟ ବ୍ୟବହାର କରୁଥିଲେ ସାବଧାନ

ନୂଆଦିଲ୍ଲୀ: ଦେହ ଖରାପ ହେଲେ ଔଷଧ ଖାଉଥିବେ । କିଛି ଲୋକ ଦୋକାନରୁ ଔଷଧ କିଣି ଆଣୁଥିବା ବେଳେ ଆଉ କିଛି ଲୋକ ଡାକ୍ତରଙ୍କ ପରାମର୍ଶରେ ଔଷଧ ଖାଇଥାନ୍ତି । ଡାକ୍ତରଙ୍କ ପରାମର୍ଶରେ ଔଷଧ ଆଣିବା ବେଳେ ଏହାକୁ କେମିତି ଖାଇବା ଦରକାର ଡାକ୍ତର ଦେଇଥାନ୍ତି । ଯଦି ମେଡିସିନ ଷ୍ଟୋରରୁ ଔଷଧ ଆଣୁଛନ୍ତି ତେବେ ଏହାକୁ କେମିତି ଓ କେଉଁ ପାନୀୟରେ ଖାଇବା ଦରକାର ଜାଣିପାରୁନଥିବେ । ତେବେ ଔଷଧରେ ମଧ୍ୟ ଏହାକୁ କେମିତି ଖାଇବେ ଉଲ୍ଲେଖ ରହିଥାଏ । ହେଲେ ପ୍ରାୟତଃ କୌଣସି ଲୋକ ଏହାକୁ ପଢି ନଥାନ୍ତି । ଫଳରେ ନିଜ ଇଚ୍ଛାରେ ପାଣି ବଦଳରେ ବିଭିନ୍ନ ପ୍ରକାରର ତରଳ ଖାଦ୍ୟରେ ଔଷଧ ଖାଇଦେଇଥାନ୍ତି । ହେଲେ ଏହା ଆପଣଙ୍କ ଶରୀର ପାଇଁ ବହୁତ କ୍ଷତିକାରକ ହୋଇପାରେ ।

ଯଦି ଆପଣ ଡାକ୍ତରଙ୍କ ପରାମର୍ଶ ବିନା କିମ୍ବା ପାଣି ବଦଳରେ ଅନ୍ୟ କିଛି ତରଳ ଦ୍ରବ୍ୟରେ ଔଷଧ ଖାଉଛନ୍ତି ତେବେ ସାବଧାନ ହୋଇଯାଆନ୍ତୁ । ବିଶେଷ କରି ଏମିତି କିଛି ପାନୀୟ ଅଛି ଯାହା ସହ ଔଷଧ ଖାଇବା ଅର୍ଥ ରୋଗ କମିବ କ’ଣ ଅଧିକ ସମସ୍ୟା ବଢିବାର କାରଣ ପାଲଟି ପାରେ ।

କାରଣ ଏହି ପାନୀୟ ଔଷଧର କ୍ଷମତାକୁ ହ୍ରାସ କରି ଦେଇଥାଏ । ଏହାସହ ଏସବୁ ପାନୀୟ ଯୋଗୁଁ ଔଷଧ ଠିକ୍ ସମୟରେ କାମ କରି ନଥାଏ । ସାଉଦୀ ଫାର୍ମାସ୍ୟୁଟିକାଲରେ ପ୍ରକାଶ ପାଇଥିବା ରୁପୋର୍ଟରୁ ଆସନ୍ତୁ କାଣିବା ଏମିତି କିଛି ପାନୀୟ ବଦଳରେ ଯାହା ଆପଣ ଔଷଧ ସହ ବ୍ୟବହାର କଲେ ସମସ୍ୟାରେ ପଡିପାରନ୍ତି ।

କଫି: କଫି ସହ ଯଦି ଔଷଧ ଖାଉବା ଦେହ ପ୍ରତି ହାନୀକାରକ ବୋଲି ସମସ୍ତେ ଜାଣନ୍ତୁ । ତଥାପି କିଛି ଲୋକ କଫି ସହ ଔଷଧ ଖାଇବାକୁ ପସନ୍ଦ କରିଥାନ୍ତି । ଯଦି ଆପଣ ଏହି କାଟାଗୋରୀରେ ଆସୁଛନ୍ତି, ତେବେ ସାବଧାନ ହୋଇଯାଆନ୍ତୁ । କାରର କଫି ହେଉ କି କୌଣସି ଗରମ ପାନୀୟରେ ଔଷଧ ଖାଇବା ଅନୁଚିତ । କାରଣ ଏହାଦ୍ବାରା ଷଔଧକୁ ଶରୀରରେ ମିଳାଇବାକୁ ଅଧିକ ସମୟ ଲାଗିଥାଏ । ଫଳରେ ଔଷକ୍ଷରୁ ଆପଣଙ୍କୁ ଯେତିକି ଲାଭ ମିଳିବା କଥା ମିଳିନଥାଏ ।

ଅରେଞ୍ଜ ଜୁସ୍: କିଛି ଲୋକ ଅରେଞ୍ଜ ଜୁସ୍ ସହ ଔଷଧ ଖାଉଥିବା ଦେଖିବାକୁ ମିଳିଥାଏ । ଅରେଞ୍ଜ ଜୁସରେ ଭିଟାମିନ୍ ସି ଥିବା ସମସ୍ତେ ଜାଣନ୍ତୁ । ଡାକ୍ତରଙ୍କ ଅନୁସାରେ ଭିଟାମିନ ସି ସହ ଔଷଧ ଖାଇଲେ ଶରୀର ଉପରେ ଅନ୍ୟ କିଛି ପ୍ରଭାବ ପଡିପାରେ । ଏହାସହ ଏହି ଜୁସ୍ ସହ ଔଷଧ ଖାଇଲେ ଏହା ଶରୀରରେ ମିଳାଇବାକୁ ମଧ୍ୟ ଅଧିକ ସମୟ ନେଇଥାଏ । ଯଦି ଆପଣଙ୍କ ଏମିତି ଅଭ୍ୟାସ ରହିଛି ତେବେ ଶୀଘ୍ର ଏହାକୁ ବଦଳାନ୍ତୁ ।

କୋକାକୋଲା: ଫେମସ୍ ଡ୍ରିଙ୍କ କୋକାକୋଲା ତ ନିଶ୍ଚିତ ପିଇଥିବେ । ଖାରାଦିନ ଆସିଲେ ଏହାର ଚାହିଦା ବଢି ଯାଇଥାଏ । ଏମିତି କିଛି ଲୋକ ଅଛନ୍ତି, ଯେଉଁମାନେ କୋକାକୋଲା ସହ ଔଷଧ ଖାଇବାକୁ ପସନ୍ଦ କରିଥାନ୍ତି । ଏହି ଥଣ୍ଡା ପାନୀୟ ଯୋଗୁଁ ଔଷଧ ଶରୀରରେ ମିଳାଇବାରେ ସମସ୍ୟା ସମସ୍ୟା ହୋଇଥାଏ ।

ଏନର୍ଜି ଡ୍ରିଙ୍କସ୍: କେବଳ କୋକାକୋଲା କି ଅରେଞ୍ଜ ଜୁସ୍ ନୁହେଁ ଏନର୍ଜି ଡ୍ରିଙ୍କସ ମଧ୍ୟ ଔଷଧ ସହ ବ୍ୟବହାର କରିବା କ୍ଷତିକାରକ । ଏହାଦ୍ବାର ଶରୀରରେ ଔଷଧର ପ୍ରଭାବ କମି ଯାଇଥାଏ । ଏହି କାରଣରୁ ଔଷଧ ଖାଇଲେ ବି ଆପଣଙ୍କୁ ସୁସ୍ଥ ହେବାକୁ ଅଧିକ ସମୟ ଲାଗିଥାଏ ।

ଦହି: ଯଦି ଆପଣ ଦହି କିମ୍ବା କ୍ଷୀର ସହ ଔଷଧ ଖାଉଛନ୍ତି ସାବଧାନ ହୋଇଯାଆନ୍ତୁ ଓ ଏଥିରୁ ଶୀଘ୍ର ଦୂରେଇ ରୁହନ୍ତୁ । କାରର ଏହା ଶରୀର ପାଇଁ ବହୁତ କ୍ଷତିକାରକ ହୋଇଥାଏ । ଦହି ସହ ତ ଔଷଧ ବିଲକୁଲ ଖାଆନ୍ତୁ ନାହିଁ । ଏହା ଔଷଧ ଅବଶୋଷଣ ଓ ଭାଙ୍ଗି ପ୍ରକ୍ରିୟକୁ ପୂରା କମାଇ ଦେଇଥାଏ ।

ଆମ ମତରେ ଔଷଧ କେମିତି ଖାଇବେ ଓ ଏଥିପାଇଁ କେଉଁ ପାନୀୟ ବ୍ୟବହାର କରିବେ ତାହାର ପରାମର୍ଶ ଡାକ୍ତରଙ୍କ ପାଖରୁ ନିଅନ୍ତୁ । ଯଦି ଔଷଧ ଖାଇବାରେ ଏସବୁ ପାନୀୟ ବ୍ୟବହାର କରିବାର ଅଭ୍ୟାସ ରହିଛି ତେବେ ତୁରନ୍ତ ପରିବର୍ତ୍ତନ କରନ୍ତୁ । ଯଥା ସମ୍ଭବ ଔଷଧ ଖାଇବା ବେଳେ ପାଣିର ବ୍ୟବହାର କରନ୍ତୁ ଓ ସୁସ୍ଥ ରୁହନ୍ତୁ ।