କନ୍ଧମାଳ ଫେରିବ ଜଗା: କଟକ ଏସ୍ସିବିରେ ପହଞ୍ଚିଲେ ତିନିଜଣିଆ ଟିମ୍
ଫୁଲବାଣୀ: କନ୍ଧମାଳ ଫେରିବ ଜଗା । ଏ ନେଇ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଳୟରୁ ତିନିଜଣିଆ ଟିମ୍ ଆଜି ସକାଳୁ କଟକ ଏସସିବି ମେଡିକାଲରେ ପହଞ୍ଚି ଜଗାର ସ୍ବାସ୍ଥ୍ୟ ଅବସ୍ଥା ସମ୍ପର୍କରେ ସମୀକ୍ଷା କରୁଛନ୍ତି । ଏହି ତିନିଜଣିଆ ଟିମ୍ରେ ଶିଶୁରୋଗ ବିଶେଷଜ୍ଞ, ଶଲ୍ୟରୋଗ ବିଶେଷଜ୍ଞଙ୍କ ସମେତ ଜଣେ ଫାର୍ମାସିଷ୍ଟ କଟକ ଏସସିବି ମେଡିକାଲରେ ପହଞ୍ଚିଛନ୍ତି । କନ୍ଧମାଳ ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କ କହିବା ହେଲା, ତିନିଜଣିଆ ଟିମ୍ ଜଗାର ସ୍ବାସ୍ଥ୍ୟବସ୍ଥା ଓ ଫୁଲବାଣୀକୁ ଫେରିଲେ ତାର ଚିକିତ୍ସା ବ୍ୟବସ୍ଥା କିପରି କରାଯିବ ସେ ନେଇ ବିସ୍ତୃତ ଭାବରେ ଏସସିବି ମେଡିକାଲ କର୍ତ୍ତୃପକ୍ଷଙ୍କୁ ସହ କଥା ହେବା ପରେ, ଜଗା କେବେ ଫେରିବ ସେ ନେଇ ନିଷ୍ପତ୍ତି ନିଆଯିବ ।
