ପୁନର୍ଗଠିତ ହେଲା ବିଜେଡିର ମୟୂରଭଂଜ ଜିଲ୍ଲା ଓ ବ୍ଲକ କମିଟି

ଭୁବନେଶ୍ୱର: ପୁନର୍ଗଠିତ ହେଲା ବିଜେଡିର ମୟୂରଭଂଜ ଜିଲ୍ଲା ଓ ବ୍ଲକ କମିଟି । ଦଳର ସଭାପତି ନବୀନ ପଟ୍ଟନାୟକଙ୍କ ଅନୁମୋଦନ କ୍ରମେ ନୂଆ କର୍ମକର୍ତ୍ତା ତାଲିକା ଜାରି କରାଯାଇଛି । ବାରିପଦା, ବଡ଼ସାହି, ବାଙ୍ଗିରିପୋଷି, ମୋରଡ଼ା, ଉଦଳା, କରଞ୍ଜିଆ, ଯଶୀପୁର, ସାରସକଣା, ରାଇରଂଗପୁର ପାଇଁ ନୂଆ କର୍ମକର୍ତ୍ତାଙ୍କ ନାଁ ଜାରି କରାଯାଇଛି । ତାଲିକା ଜାରି କରିଛନ୍ତି ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ ।

୯ନିର୍ବାଚନ ମଣ୍ଡଳୀ ପାଇଁ ନୂଆ କର୍ମକର୍ତ୍ତାଙ୍କ ନାଁ ଘୋଷଣା କରାଯାଇଛି । ଜଣେ ଲେଖାଏଁ ଉପସଭାପତି ଓ ସାଧାରଣ ସଂପାଦକ ନିଯୁକ୍ତ ହୋଇଛନ୍ତି । ୫ନିର୍ବାଚନ ମଣ୍ଡଳୀ ପାଇଁ ୩ଜଣ ଲେଖାଏଁ ସଂପାଦକ ନିଯୁକ୍ତ କରାଯାଇଛି । ରାଇରଂଗପୁର ପାଇଁ ଦୁଇ ଜଣ ଉପସଭାପତି ନିଯୁକ୍ତ ହୋଇଛନ୍ତି । ଦୁଇଜଣ ସାଧାରଣ ସଂପାଦକ ଓ ୪ଜଣ ସଂପାଦକ ନିଯୁକ୍ତ ହୋଇଛନ୍ତି ।

ସେପଟେ କରଞ୍ଜିଆ, ଯଶୀପୁର, ସାରସକଣା ପାଇଁ ୪ଜଣ ଲେଖାଏଁ ସଂପାଦକ ଚୟନ ହୋଇଛନ୍ତି । ବ୍ଲକ, ମ୍ୟୁନିସିପାଲିଟି ଓ ଏନଏସି ପାଇଁ ମଧ୍ୟ କର୍ମକର୍ତ୍ତା ନିଯୁକ୍ତ ହୋଇଛନ୍ତି । ତେବେ ବିଜେଡି ମୟୁରଭଞ୍ଜରେ ତୃଣମୂଳ ସ୍ତରରେ ସୁଦୃଢ ହୋଇଛି  । ବିଜେଡି ସାଧାରଣ ସମ୍ପାଦକ ପ୍ରଣବ ପ୍ରକାଶ ଦାସ ମୟୁରଭଞ୍ଜ ଦାୟିତ୍ୱରେ ରହିଛନ୍ତି   । ଅନ୍ୟପଟେ ଚଳିତବର୍ଷ ପଞ୍ଚାୟତ ନିର୍ବାଚନରେ ଦଳ ସେଠାରେ ଭଲ ରେଜଲ୍ଟ ମଧ୍ୟ କରିଥିଲା  ।