ମୟୂରଭଞ୍ଜ : ଶୁକୃଳି ବ୍ଲକରେ ଅଧିକାରୀ ସଙ୍କଟ । ୩ ମାସ ହେଲା ଛୁଟିରେ ଅଛନ୍ତି ବିଡିଓ । ଖାଲି ପଡ଼ିଛି ବିଇଓ, ଯୋଗାଣ ଅଧିକାରୀ, ସିଡିପିଓ ପରି ପଦବୀ । ବିକାଶମୂଳକ କାର୍ଯ୍ୟ ଠପ । ନିଘୋଡ଼ ନିଦରେ ସରକାର।… ମୟୂରଭଞ୍ଜ ଜିଲ୍ଲା ଯଶିପୁର ନିର୍ବାଚନମଣ୍ଡଳୀ ଅନ୍ତର୍ଗତ ଶୁକୃଳି ବ୍ଲକରେ ଖାଲି ପଡ଼ିଛି ଗୁରୁତ୍ଵପୂର୍ଣ୍ଣ ପଦ ପଦବୀ । ସ୍ୱାସ୍ଥ୍ୟଗତ ସମସ୍ୟା ପାଇଁ ପ୍ରାୟ ୩ ମାସ ହେବ ଛୁଟିରେ ଅଛନ୍ତି ବିଡିଓ । ଯଶୀପୁର ବିଡିଓଙ୍କୁ ଅତିରିକ୍ତ ଦାୟିତ୍ବ ମିଳିଥିଲେ ସୁଦ୍ଧା ସେ ସପ୍ତାହକୁ ଦିନେ କିମ୍ବା ଦୁଇ ଦିନ ଆସୁଛନ୍ତି । ସେହିପରି ଶକୃଳି ବ୍ଲକରେ ୨ ବର୍ଷ ହେଲା ବିଇଓ ପଦବୀ ଖାଲି ପଡ଼ିଛି । ଖାଲି ସେତିକି ନୁହେଁ ଯୋଗାଣ ଅଧିକାରୀ କି ସିଡିପିଓ ବି ନାହାନ୍ତି । ଫଳରେ ବିଭିନ୍ନ କାମ ପାଇଁ ବ୍ଲକକୁ ଆସୁଥିବା ଲୋକେ ହଇରାଣ ହେଉଛନ୍ତି ।…
ଯଶିପୁର ଖୋଦ ଜଙ୍ଗଲ ଓ ପରିବେଶ ମନ୍ତ୍ରୀ ଗଣେଶ ରାମ ସିଂ ଖୁଣ୍ଟିଆଙ୍କ ନିର୍ବାଚନମଣ୍ଡଳୀ ହୋଇଥିବା ବେଳେ ଶୁକୃଳି ବ୍ଲକରେ ଖାଲି ପଡ଼ିଛି ଅନେକ ପଦ । ସ୍ଥାନୀୟ ଅଞ୍ଚଳରେ ବିକାଶମୂଳକ କାର୍ଯ୍ୟ ଠପ ହୋଇପଡ଼ିଛି । ଫଳରେ ଜନ ସାଧାରଣ କି ଜନ ପ୍ରତିନିଧି କେହି ବି ଖୁସି ନାହାଁନ୍ତି l ଅନ୍ୟପଟେ ଖାଲି ଥିବା ପଦବୀ ଖୁବଶୀଘ୍ର ପୂରଣ ହେବ ବୋଲି କହିଛନ୍ତି ଜଙ୍ଗଲ ଓ ପରିବେଶ ମନ୍ତ୍ରୀ।…
