ବର୍ଷିଲେ ମାୟାବତୀ- ଯୋଗୀଙ୍କ ବଦଳରେ କୌଣସି ‘ଯୋଗ୍ୟ’ ହୁଅନ୍ତୁ ମୁଖ୍ୟମନ୍ତ୍ରୀ

1 min read
Mayawati Demands Replace Yogi With Someone Capable As Chief Minister Or President Rules

ଲକ୍ଷ୍ନୌ: ଅପରାଧକୁ ନେଇ ଉତ୍ତରପ୍ରଦେଶ ସରକାର ହଲୁଥିବା ବେଳେ ବିଏସପି ସୁପ୍ରିମୋ ମାୟାବତୀ ତୀବ୍ର ଆକ୍ରମଣ କରିଛନ୍ତି । ଗୁରୁବାର ମାୟାବତୀ ଉତ୍ତରପ୍ରଦେଶର ଆଇନ୍ ବ୍ୟବସ୍ଥାକୁ ନେଇ ପ୍ରଶ୍ନ ଉଠାଇବା ସହ କେନ୍ଦ୍ର ସରକାରଙ୍କୁ ରାଜ୍ୟରେ ନେତୃତ୍ୱ ପରିବର୍ତ୍ତନ କିମ୍ବା ରାଷ୍ଟ୍ରପତି ଶାସନ ଲାଗୁ ପାଇଁ ଦାବି କରିଛନ୍ତି । ଏହାର କାଉଣ୍ଟରରେ ରାଜ୍ୟ ବିଜେପି ନେତା କହିଛନ୍ତି ମାୟାବତୀଙ୍କ ମୁଖ୍ୟମନ୍ତ୍ରୀତ୍ୱ ବେଳେ ଉତ୍ତରପ୍ରଦେଶରେ ଏକ ହଜାରରୁ ଅଧିକ ଦଳିତଙ୍କୁ ହତ୍ୟା କରାଯାଇଥିଲା । ସେ ଆଜି ଅଙ୍ଗୁଳି ଉଠାଉଛନ୍ତି ।

Mayawati Demands Replace Yogi With Someone Capable As Chief Minister Or President Rules

ମାୟାବତୀ କହିଛନ୍ତି- ରାଜ୍ୟରେ ଆଇନ୍ ବ୍ୟବସ୍ଥା ଓ ମହିଳାଙ୍କ ସହ ଘଟୁଥିବା ଅପରାଧ ବହୁ ମାତ୍ରାରେ ବୃଦ୍ଧି ପାଇଛି । ଏଥିପାଇଁ କେନ୍ଦ୍ର ସରକାର ଯୋଗୀ ଆଦିତ୍ୟନାଥଙ୍କ ବଦଳରେ କୌଣସି ‘ଯୋଗ୍ୟ’ଙ୍କୁ ମୁଖ୍ୟମନ୍ତ୍ରୀ କରନ୍ତୁ । ଯଦି ଏଭଳି ସମ୍ଭବ ହେଉନାହିଁ ତେବେ ରାଜ୍ୟରେ ରାଷ୍ଟ୍ରପତି ଶାସନ ଲାଗୁ କରିଦେବା ଉଚିତ୍ । ସେ ୟୁପିର ହାଥରସ୍ ଓ ବଳରାମପୁର ଗଣଦୁଷ୍କର୍ମ ପରେ ୨ ଯୁବତୀଙ୍କ ମୃତ୍ୟୁକୁ ୨୦୧୨ ଦିଲ୍ଲୀ ନିର୍ଭୟା କାଣ୍ଡ ସହ ତୁଳନା କରିଛନ୍ତି ।

Mayawati Demands Replace Yogi With Someone Capable As Chief Minister Or President Rules

ଯୋଗୀ ଆଦିତ୍ୟନାଥଙ୍କୁ କହିଛନ୍ତି- ‘ଆପଣ ଜଣେ ମାଆ ପେଟରୁ ଜନ୍ମ ନେଇଛନ୍ତି । ଅନ୍ୟ ଝିଅଙ୍କୁ ବି ଆପଣ ନିଜ ଭଉଣୀ, ଝିଅ ଭଳି ଦେଖିବା ଉଚିତ୍ । ଯଦି ଆପଣ ଏହାକୁ ଗ୍ରହଣ କରିପାରୁ ନାହାଁନ୍ତି ତ ଇସ୍ତଫା ଦେଇ ଦେବା ଉଚିତ୍ । ’ ମାୟାବତୀ କହିଛନ୍ତି- ଝିଅଙ୍କ ଉପରେ ଉତ୍ତରପ୍ରଦେଶର ଲଗାତାର ଅତ୍ୟାଚାର ବଢ଼ି ଚାଲିଥିବା ବେଳେ ଯୋଗୀ ସରକାର ସଜାଗ ହେଉନାହିଁ । ବୋଧେ ସେ ଭାବୁଛନ୍ତି- ଏଥିରେ କେନ୍ଦ୍ର ସରକାରଙ୍କୁ ଚେତାଇବା ଉଚିତ୍ ।

Mayawati Demands Replace Yogi With Someone Capable As Chief Minister Or President Rules

ଯଦି ଯୋଗୀ ଆଦିତ୍ୟନାଥଙ୍କୁ ତାଙ୍କ ପ୍ରକୃତ ସ୍ଥାନ ଅର୍ଥାତ ଗୋରଖପୁର ମଠରେ ବସାଇ ଦେବା ଉଚିତ୍ ବୋଲି ମାୟାବତୀ କହିଛନ୍ତି । ତଥାପି ଯୋଗୀଙ୍କୁ ଗୋରଖପୁର ମଠ ଭଲ ନଲାଗିଲେ ତାଙ୍କୁ ଅଯୋଧ୍ୟାରେ ହେଉଥିବା ରାମ ମନ୍ଦିର ନିର୍ମାଣ କାମ ଦିଆଯାଉ । ତାଙ୍କ ସ୍ଥାନରେ କୌଣସି ଯୋଗ୍ୟ ଲୋକଙ୍କୁ ମୁଖ୍ୟମନ୍ତ୍ରୀ କରାଯାଉ, ଯିଏ କି ରାଜ୍ୟର ଲୋକଙ୍କୁ ଭଲ ଆଇନ୍ ବ୍ୟବସ୍ଥା ଦେଇପାରିବେ । ‘ଯଦି ଭାଜପା ମୁଖ୍ୟ ଏହା କରିପାରିବେ ନାହିଁ, ତେବେ ଉତ୍ତରପ୍ରଦେଶର ଜନତାଙ୍କ ଉପରେ ଟିକିଏ ଦୟାକରି ରାଜ୍ୟରେ ରାଷ୍ଟ୍ରପତି ଶାସନ ଲାଗୁ କରନ୍ତୁ ।’ ଆଉ ରାଜ୍ୟରେ ଆଇନ୍ ବ୍ୟବସ୍ଥାକୁ ମଜଭୁତ୍ କରାନ୍ତୁ ।

Leave a Reply