ଠାକୁରଙ୍କ ପୂଜାରେ ଲାଗିବ ମଉଳା ପୂଜାଫୁଲ: ପୂଜା ବର୍ଜ୍ୟରୁ ତିଆରି ହେବ ଧୂପକାଠି

ଠାକୁରଙ୍କ ପୂଜାରେ ଲାଗିବ ମଉଳା ପୂଜାଫୁଲ । ପୂଜା ବର୍ଜ୍ୟରୁ ତିଆରି ହେବ ଧୂପକାଠି । ଆରମ୍ଭ ହୋଇଯାଇଛି ଦେବାର୍ଚ୍ଚନ ପୁଷ୍ପ ବର୍ଜ୍ୟ ସଂଗ୍ରହ । ଆସ୍ଥା, ସୌନ୍ଦର୍ଯ୍ୟ ଏବଂ ପରିବେଶ ଅନୁକୂଳ ପାଇଁ ବିଏମସିର ଗୁରୁତ୍ବ । ପୂଜା ମଣ୍ଡପ, ମେଢ଼ ଓ ବିଭିନ୍ନ ଦେବଦେବୀଙ୍କ ମୂର୍ତ୍ତିରେ ଲାଗି ହେଉଥିବା ଫୁଲ ବାସି ହେବା ପରେ ଏଥିରୁ ତିଆରି କରି ହେବ ଧୂପାକଠି । ଚଳିତବର୍ଷ ବିଏମସି ଆରମ୍ଭ କରିଛି ଅଭିଯାନ । ବର୍ଜ୍ୟବସ୍ତୁ ସଂଗ୍ରହ ପରେ ପ୍ରକ୍ରିୟାକରଣ ପାଇଁ ପୋଖରୀପୁଟ ଏମସିସିକୁ ଅଣାଯିବ । ସେଠାରେ ଏହାକୁ ଶୁଖାଇବାସହ ସେଥିରୁ ଧୂପକାଠି ପ୍ରସ୍ତୁତ କରିବା ପାଇଁ ସମସ୍ତ ବ୍ୟବସ୍ଥା କରାଯାଇଛି । ପୂର୍ବରୁ ସଂଗୃହୀତ ବର୍ଜ୍ୟବସ୍ତୁ ସାଧାରଣତଃ ଜଳାଶୟରେ ବୁଡ଼ାଇ ଅନ୍ୟ ଆବର୍ଜନା ସ୍ଥାନରେ ଫିଙ୍ଗି ଦିଆଯାଉଥିଲା । ଯାହା ପରିବେଶକୁ ପ୍ରଦୂଷିତ କରୁଥିଲା । ବିଭିନ୍ନ ମଣ୍ଡପରୁ ମଣ୍ଡପ ବୁଲି ବିଏମସି ଗାଡି ସଂଗ୍ରହ କରିବ ଏହି ଫୁଲ । ଏହାଦ୍ୱାରା ଏକ ସ୍ୱଚ୍ଛ, ପରିବେଶ ସୃଷ୍ଟି ହେବ ଏବଂ ବର୍ଜ୍ୟବସ୍ତୁର ଉପଯୁକ୍ତ ଉପଯୋଗ ହେବ ବୋଲି କହିଛନ୍ତି କମିଶନର ।

ବିଏମସି ଏହି ଅଭିଯାନ ନେଇ ବିଭିନ୍ନ ପୂଜା ମଣ୍ଡପ କମିଟି ସହ ପୂର୍ବରୁ ଆଲୋଚନା କରିଛି ବିଏମସି । ଦକ୍ଷିଣ ମଣ୍ଡଳରେ ୧୭୯ ଟି, ଦକ୍ଷିଣ-ପୂର୍ବ ମଣ୍ଡଳରେ ୧୨୨ଟି ଏବଂ ଉତ୍ତର ଜୋନରେ ୭୦ଟି ମଣ୍ଡପ ରହିଛି । ପୂଜା କମିଟିର ସଦସ୍ୟମାନଙ୍କୁ ଏହି ସ୍ୱତନ୍ତ୍ର ସେବାର ଉପଯୋଗ କରିବା ପାଇଁ ସେଚେତନ କରିବା ଏବଂ ସେମାନଙ୍କ ଆବର୍ଜନାକୁ ଏଣେ ତେଣେ ନଫିଙ୍ଗି ବିଏମସିର ସ୍ୱତନ୍ତ୍ର ଗାଡିରେ ଦେବା ପାଇଁ କୁହାଯାଇଛି । ରାଜଧାନୀର ପୂଜା ମଣ୍ଡପର ବିଭିନ୍ନ କମିଟି ସଦସ୍ୟ ଏହି ଅଭିଯାନକୁ ସ୍ୱାଗତ କରିବା ସହ ପ୍ରଶଂସା ମଧ୍ୟ କରିଛନ୍ତି । ବିଏମସିର ଏହି ଅଭିଯାନ କେବଳ ଗଣେଶ ପୂଜାରେ ଅଟକି ଯିବ ନାହିଁ ବରଂ ଆଗକୁ ଆସୁଥିବା ଦୁର୍ଗା ପୂଜା ଓ ଅନ୍ୟନ୍ୟ ପର୍ବ ପର୍ବାଣୀରେ ମଧ୍ୟ ଲାଗୁ ହେବ । ଏହାସହ ଆଗକୁ ମନ୍ଦିରରରୁ ମଧ୍ୟ ବାସୀ ଫୁଲ ସଂଗ୍ରହ କରିବ ବିଏମସି।