ସଟ୍ଡାଉନ୍ ପାଇଁ ସପ୍ତାହକୁ ୨ ଦିନ ବନ୍ଦ ରହିବ ମାଟ୍ରିକ୍ ଖାତା ଦେଖା
1 min read
ଭୁବନେଶ୍ୱର: ସଟ୍ଡାଉନ ଯୋଗୁ ମାଟ୍ରିକ୍ ଖାତା ଦେଖା ବନ୍ଦ । ଶନିବାର ଓ ରବିବାର ସଟଡାଉନ ଯୋଗୁ ୧୧ଟି ଜିଲ୍ଲାର ସମସ୍ତ ଖାତାଦେଖା କେନ୍ଦ୍ର ବନ୍ଦ ରହିଛି । ଜୁନ୍ ମାସ ୪ସପ୍ତାହରେ ୮ଦିନ ଖାତା ଦେଖା ବନ୍ଦ ରହିବ । ଓଡ଼ିଶା ମାଧ୍ୟମିକ ଶିକ୍ଷା ବୋର୍ଡ ସଭାପତି ରାମାଶିଷ ହାଜରା ଏହି ସୂଚନା ଦେଇଛନ୍ତି । ପୂର୍ବରୁ ମାଟ୍ରିକ୍ ଖାତା ମୂଲ୍ୟାୟନକୁ ନେଇ ଶିକ୍ଷକ ଶିକ୍ଷୟିତ୍ରୀଙ୍କ ମହଲରେ ଅସନ୍ତୋଷ ପ୍ରକାଶ ପାଇଥିଲା । ଯାତାୟତ ଅସୁବିଧାକୁ ଦୃଷ୍ଟିରେ ରଖି ମୂଲ୍ୟାୟନ ବନ୍ଦ ରଖିବା ପାଇଁ ଶିକ୍ଷକ ସଂଘ OSTA ଦାବି କରିଥିଲା । ସଟ୍ଡାଉନ୍ ଯୋଗୁ ୧୧ଟି ଜିଲ୍ଲାରେ ମାଟ୍ରିକ ଖାତାଦେଖା ବନ୍ଦ ଥିବା ବେଳେ ଅନ୍ୟ ଜିଲ୍ଲାଗୁଡ଼ିକରେ ଚାଲୁ ରହିଛି ।
କରୋନା ଯୋଗୁ ଏଭଳି ସ୍ଥିତି ବିଭିନ୍ନ ରାଜ୍ୟରେ ଦେଖା ଦେଇଛି । ଶିକ୍ଷା କ୍ଷେତ୍ରରେ ପ୍ରଥମ ଥର ପାଇଁ ଏଭଳି ପରିସ୍ଥିତିର ସାମ୍ନା କରୁଛନ୍ତି ଛାତ୍ର ଛାତ୍ରୀ । ବାରମ୍ବାର ଖାତା ଦେଖାରେ ବାଧା ସୃଷ୍ଟି କରୁଛି କରୋନା । ଯାହାଫଳରେ ଛାତ୍ରଛାତ୍ରୀଙ୍କର ପରୀକ୍ଷା ଫଳ ବାହାରିବାରେ ଅତ୍ୟଧିକ ବିଳମ୍ବ ହେବାରେ ଲାଗିଛି । ଏନେଇ ଆଗକୁ କଣ କରିବେ କଣ ପଢ଼ିବେ ସେନେଇ ଦ୍ୱନ୍ଦ୍ୱରେ ରହୁଛନ୍ତି ଛାତ୍ରଛାତ୍ରୀ । ସେପଟେ ଦେଶର ସମସ୍ତ ରାଜ୍ୟରେ ଏଭଳି ପରିସ୍ଥିତି ଥିବା ବେଳେ କେବଳ ବିହାର ଏବଂ ଝାରଖଣ୍ଡ ଭଳି ରାଜ୍ୟରେ ମାଟ୍ରିକ ପରୀକ୍ଷାଫଳ ବାହାରି ସାରିଲାଣି ।
