ବାଲେଶ୍ୱର: ଦୈନିକ ଖବର କାଗଜ ’ସକାଳ’ ଓ ’ନନ୍ଦିଘୋଷ ଟିଭି’ ପରିବାର ପକ୍ଷରୁ ବାଲେଶ୍ବରରେ ଆୟୋଜିତ ହୋଇଯାଇଛି ମାଟ୍ରିକ ଉତ୍କର୍ଷ ସମ୍ମାନ-୨୦୨୩ । ଏଥିରେ ବାଲେଶ୍ବର ସହ ଭଦ୍ରକ ଓ ମୟୂରଭଂଜ ଜିଲ୍ଲାର ୫୭ ଜଣ ଛାତ୍ରଛାତ୍ରୀଙ୍କ ସମେତ ଶିକ୍ଷକ, ଶିକ୍ଷୟତ୍ରୀଙ୍କୁ ସମ୍ମାନିତ କରାଯାଇଛି। ସକାଳର ଉତ୍ତର ଓଡ଼ିଶା ମୁଖ୍ୟ ଅସୀମ ମହାପାତ୍ରଙ୍କ ଅଧ୍ୟକ୍ଷତାରେ ଆୟୋଜିତ ସମ୍ବର୍ଦ୍ଧନା ସଭାରେ ଫକୀର ମୋହନ ବିଶ୍ବବିଦ୍ୟାଳୟର କୁଳପତି ଡ.ସନ୍ତୋଷ କୁମାର ତ୍ରିପାଠୀ, ଆଇଟିଆର ବୈଜ୍ଞାନିକ ଡ. ପ୍ରିୟନାଥ ପଣ୍ଡା, ଅଧ୍ୟାପକ ଡ. ପଙ୍କଜ ଜେନା ପ୍ରମୁଖ ଯୋଗଦେଇଥିଲେ । ଅନ୍ୟ ମାନଙ୍କ ମଧ୍ୟରୁ ମୟୂରଭଞ୍ଜ ଜିଲ୍ଲା ପ୍ରତିନିଧି ମନୋଜ ପଣ୍ଡା, ଭଦ୍ରକ ଜିଲ୍ଲା ପ୍ରତିନିଧି ଉମାକଲ୍ୟାଣ ମହାପାତ୍ର, ବିଜ୍ଞାପନ ସହକାରୀ ପରିଚାଳକ ଧୃତିସୁନ୍ଦର ପଣ୍ଡା, କଳିଙ୍ଗ ସାହୁ, ପ୍ରତ୍ୟାଶା ମହାନ୍ତି, ମୃତ୍ୟୁଞ୍ଜୟ ପଟ୍ଟନାୟକ, ଉମାକାନ୍ତ ମାଝୀ, ରାଜେଶ ଶର୍ମା, ହିମାଦ୍ରୀ ପାଲ, ସୁରଜ ସିଂ, ବିଶ୍ବମ୍ବର ଦାସ, ଜୟଶ୍ରୀ ବେହେରା, ଶ୍ରୀଲେଖା ସାହୁ ଓ ରମେଶ ଦାସ ଉପସ୍ଥିତ ରହିଥିଲେ ।
ଏହି କାର୍ଯ୍ୟକ୍ରମରେ ବାଲେଶ୍ବର, ଭଦ୍ରକ ଓ ମୟୂରଭଞ୍ଜ ଜିଲ୍ଲାର ସର୍ବାଧିକ ନମ୍ବର ରଖିଥିବା ଓ ୩ଟି ଜିଲ୍ଲାର ସମସ୍ତ ବ୍ଲକରେ ସର୍ବାଧିକ ନମ୍ବର ରଖିଥିବା ୫୭ ଜଣ ଛାତ୍ରଛାତ୍ରୀଙ୍କୁ ମାନପତ୍ର, ଉପଢୌକନ ଓ ଫଳକ ପ୍ରଦାନ କରାଯାଇ ସମ୍ମାନିତ କରାଯାଇଛି। ସେହିପରି ଛାତ୍ରଛାତ୍ରୀଙ୍କୁ ସଠିକ ମାର୍ଗଦର୍ଶନ କରୁଥିବା ଶିକ୍ଷକ, ଶିକ୍ଷୟତ୍ରୀ ଓ ବିଜ୍ଞାପନ ଦାତାମାନଙ୍କୁ ମଧ୍ଯ ଏହି ଅବସରରେ ସମ୍ବର୍ଦ୍ଧିତ କରାଯାଇଛି ।
