ଆଜି ଭୁବନେଶ୍ୱର ଓ ସମ୍ବଲପୁରରେ ମାଟ୍ରିକ ଉତ୍କର୍ଷ ସମ୍ମାନ-୨୦୨୨, ସମ୍ବର୍ଦ୍ଧିତ ହେବେ ସଫଳ ଛାତ୍ରଛାତ୍ରୀ

ଭୁବନେଶ୍ୱର: ଦୁଇ ବର୍ଷର କରୋନା ସ୍ଥିତି ପରେ ଚଳିତ ବର୍ଷ ସ୍ୱାଭାବିକ ହୋଇଛି ଜୀବନ । ନିକଟରେ ମାଟ୍ରିକ୍ ପରୀକ୍ଷା ଫଳ ପ୍ରକାଶ ପାଇଛି । ଚଳିତ ବର୍ଷ ମାଟ୍ରିକ୍ ପରୀକ୍ଷାରେ ମିଳିଛି ଅଦ୍ଭୂତପୂର୍ବ ସଫଳତା । ଏଥର ଭଲ ହୋଇଛି ରେଜଲ୍ଟ । କଠିନ ପରିଶ୍ରମ, ଅଧ୍ୟାବସାୟ ବଳରେ ଉତ୍ତମ ପ୍ରଦର୍ଶନ କରିଛନ୍ତି ଛାତ୍ରଛାତ୍ରୀ । ସେମାନଙ୍କର ଉଜ୍ୱଳ ରାସ୍ତାରେ ସେମାନଙ୍କୁ ଉତ୍ସାହିତ କରିବାକୁ ଦୈନିକ ସକାଳ ଓ ନନ୍ଦିଘୋଷ ଟିଭି ପରିବାର ଆୟୋଜିତ କରିଛି ସମ୍ବର୍ଦ୍ଧନା ଉତ୍ସବ ମାଟ୍ରିକ ଉତ୍କର୍ଷ ସମ୍ମାନ-୨୦୨୨ ।

ଏଥିରେ ସମସ୍ତ ୩୦ ଜିଲ୍ଲାରେ ସର୍ବାଧିକ ନମ୍ବର ରଖି ପାସ୍ କରିଥିବା ୩ ଜଣ ଲେଖାଏଁ ଛାତ୍ରଛାତ୍ରୀଙ୍କୁ ସମ୍ବର୍ଦ୍ଧିତ କରାଯିବ । ପୂର୍ବାହ୍ନ ୧୧ଟାରେ ଭୁବନେଶ୍ୱର ଜୟଦେବ ଭବନରେ ୧୬ଟି ଜିଲ୍ଲାର ଛାତ୍ରଛାତ୍ରୀଙ୍କୁ ସମ୍ବର୍ଦ୍ଧିତ କରାଯିବାକୁ ଥିବାବେଳେ ସମ୍ବଲପୁରଠାରେ ସକାଳ ୯ଟାରେ ଅବଶିଷ୍ଟ ୧୪ଟି ଜିଲ୍ଲାର ଛାତ୍ରଛାତ୍ରୀଙ୍କୁ ସମ୍ବର୍ଦ୍ଧିତ କରାଯିବ । କେବଳ ଛାତ୍ରଛାତ୍ରୀ ନୁହେଁ କିଛି ଦକ୍ଷ ତଥା ଆଦର୍ଶ ଶିକ୍ଷକଙ୍କୁ ସମ୍ବର୍ଦ୍ଧିତ କରିବ ସକାଳ ଓ ନନ୍ଦିଘୋଷ ଟିଭି ପରିବାର ।