ମାଟ୍ରିକ ସପ୍ଲିମେଣ୍ଟାରି ପରୀକ୍ଷା :ବୋର୍ଡର ଏହି ୱେବସାଇଟରେ ମିଳିବ ଅନଲାଇନ ଫର୍ମ ଓ ସବିଶେଷ ତଥ୍ୟ

ଭୁବନେଶ୍ୱର: ଗତ ମାସରେ ମାଟ୍ରିକ ପରୀକ୍ଷା ଫଳ ପ୍ରକାଶ ପାଇବା ପରେ ସପ୍ଲିମେଣ୍ଟାରି ପରୀକ୍ଷା ପାଇଁ ପ୍ରସ୍ତୁତି ଆରମ୍ଭ ହୋଇଛି । ଆଜିଠୁ ମାଟ୍ରିକ ସପ୍ଲିମେଣ୍ଟାରି ପରୀକ୍ଷା ପାଇଁ ଫର୍ମପୂରଣ କରାଯିବ । ଅନଲାଇନ ଯୋଗେ ବୋର୍ଡ ୱେବସାଇଟରେ ଫର୍ମପୂରଣ ବ୍ୟବସ୍ଥା କରାଯାଇଛି। ୧୮ ତାରିଖ ରାତି ୧୧ଟା ୪୫ ମିନିଟ ଯାଏ ଛାତ୍ରଛାତ୍ରୀ ଅନଲାଇନରେ ଫର୍ମ ପୂରଣ କରିପାରିବେ । ବୋର୍ଡ ୱେବସାଇଟ୍ www.bseodisha.ac.in ରେ ଅନଲାଇନ ଫର୍ମ ଓ ସବିଶେଷ ତଥ୍ୟ ଉପଲବ୍‌ଧ ରହିଛି ।

ଆପଣଙ୍କୁ କହି ରଖୁଛୁ ଯେ, ଗତ ଜୁଲାଇ ୨୯ରେ ମାଟ୍ରିକ ରେଜଲ୍‌ଟ ପ୍ରକାଶ ପାଇଥିଲା । ତେବେ ପ୍ରଥମ ଥର ପାଇଁ ବୋର୍ଡର ପରୀକ୍ଷା କମିଟି ପକ୍ଷରୁ ଭିଡିଓ କନଫେରନସିଂ ଜରିଆରେ ଫଳାଫଳ ପ୍ରକାଶ କରାଯାଇଥିଲା । ଚଳିତ ବର୍ଷ ଏସଏମଏସରେ ମଧ୍ୟ ପରୀକ୍ଷା ଫଳ ଉପଲବ୍ଧ ହୋଇଥିଲା । ଏବଂ ଏନେଇ ଏକ କଣ୍ଟ୍ରୋଲ ରୁମ୍ ବି ଖୋଲାଯାଇଥିଲା । ତେବେ ଚଳିତ ବର୍ଷ ମାଟ୍ରିକ ପାସ ହାର ୭୮.୭୬  ପ୍ରତିଶତ ରହିଛି ଯାହା ଗତ ବର୍ଷ ଠାରୁ ଅଧିକ ରହିବା ସହ ପାସ ହାରରେ ପୁଅଙ୍କୁ ପଛରେ ପକାଇଥିଲେ ଝିଅ । ପୁଅଙ୍କ ପାସ ହାର ୭୭.୮ ପ୍ରତିଶତ ଥିବାବେଳେ ଝିଅଙ୍କ ପାସ ହାର ୮୧.୯୮ ପ୍ରତିଶତ ରହିଛି ।