ବାଲେଶ୍ୱରରେ ଦଶମ ଶ୍ରେଣୀ ଛାତ୍ରଙ୍କ ଆତ୍ମହତ୍ୟା ଘଟଣା, ଆଜି ସ୍କୁଲ ଛୁଟି ଘୋଷଣା କଲେ ସ୍କୁଲ କର୍ତ୍ତୁପକ୍ଷ

ବାଲେଶ୍ୱର: ବାଲେଶ୍ୱରରେ ଟ୍ରେନ ଆଗକୁ ଡେଇଁ ଦଶମ ଶ୍ରେଣୀ ଛାତ୍ରଙ୍କ ଆତ୍ମହତ୍ୟା ଘଟଣା । ଛାତ୍ର ମୃତ୍ୟୁକୁ ନେଇ ଆଜି ଛୁଟି ଘୋଷଣା କଲେ ସିଦ୍ଧି ବିନାୟକ ସ୍କୁଲ କର୍ତ୍ତୃପକ୍ଷ । ପୁଅର ମୃତଦେହ ନେଇ ରାଉରକେଲା ସ୍ଥିତ ଘରକୁ ଫେରିଲେ ମୃତ ଛାତ୍ର ସୁରଜ ଗୁପ୍ତାଙ୍କ ବାପା ସନ୍ତୋଷ ଗୁପ୍ତା । ସ୍କୁଲ କର୍ତ୍ତୃପକ୍ଷଙ୍କ ଧମକ ପରେ ଆତ୍ମହତ୍ୟା କରିଥିବା ଅଭିଯୋଗ ଆଣିଲେ ପରିବାର ଲୋକ ।

ସୂଚନା ଅନୁସାରେ ଅନ୍ୟ ଜଣେ ଛାତ୍ର ସୂରଜଙ୍କୁ ମାଡ଼ ମାରିଥିଲା । ହେଲେ ମାଡ ମାରିଥିବା ଛାତ୍ରଙ୍କ ନାଁରେ ଅଭିଯୋଗ କଲେ କ୍ୟାରିୟର ବରବାଦ କରିଦେବାର ଧମକ ଦେଇଥିଲେ ସ୍କୁଲ କର୍ତ୍ତୃପକ୍ଷ । ଏନେଇ ପୁଅ ଅବସାଦରେ ରହି ଚରମ ନିଷ୍ପତ୍ତି ନେଇଥିବା ଥାନାରେ ଅଭିଯୋଗ କରିଛନ୍ତି ମୃତ ଛାତ୍ରଙ୍କ ବାପା । ଏହାସହ ମୃତଦେହ ରଖି ଧାରଣାରେ ବସିଥିଲେ ବାପା । ଘଟଣାପରେ ସ୍କୁଲରେ ଉତ୍ତେଜନା ସୃଷ୍ଟି ହୋଇଛି । ଛାତ୍ରଛାତ୍ରୀଙ୍କ ଅଭିଭାବକମାନେ ସ୍କୁଲରେ ପଶି ଭଙ୍ଗାରୁଜା କରିଥିଲେ ।