ଆଜି ପ୍ରକାଶ ପାଇବ ମାଟ୍ରିକ ରେଜଲ୍ଟ , ଅପରାହ୍ନ ୨ଟାରୁ ଓ୍ୱେବସାଇଟରେ ଉପଲବ୍ଧ ହେବ ଫଳ

କଟକ: ବଢ଼ୁଛି ହାର୍ଟବିଟ୍ । ଆଜି ପ୍ରକାଶ ପାଇବ ମାଟ୍ରିକ ପରୀକ୍ଷା ଫଳ । ଅପରାହ୍ନ ଗୋଟାଏରେ କଟକ ବୋର୍ଡ କାର୍ଯ୍ୟାଳୟରେ ଫଳାଫଳ ପ୍ରକାଶ ପାଇବ । ମାଟ୍ରିକ୍ ସହ ମଧ୍ୟମା ରେଜଲ୍ଟ ମଧ୍ୟ ପ୍ରକାଶ ପାଇବ । ଫଳ ପ୍ରକାଶ କରିବେ ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାସ । ଅପରାହ୍ନ ୧ଟାରେ ଫଳ ପ୍ରକାଶ ପାଇବା ପରେ ଅପରାହ୍ନ ୨ଟାରୁ ଓ୍ୱେବସାଇଟରେ ରେଜଲ୍ଟ ପାଇପାରିବେ ଛାତ୍ରଛାତ୍ରୀ । ଏଥିପାଇଁ ୨ଟି ଓ୍ୱେବସାଇଟ ଜାରି କରିଛି ବୋର୍ଡ । www.bseodisha.ac.in ଓ www.bseodisha.nic.inରେ ଲଗଇନ କରି ଫଳ ପାଇପାରିବେ ପରୀକ୍ଷାର୍ଥୀ । SMS ଜରିଆରେ ବି ରେଜଲ୍ଚ ପାଇପାରିବେ ଛାତ୍ରଛାତ୍ରୀ ।

୨ ବର୍ଷ ପରେ ଚଳିତ ବର୍ଷ ଅଫଲାଇନ ପରୀକ୍ଷା ଦେଇଥିଲେ ଛାତ୍ରଛାତ୍ରୀ । ଚଳିତ ବର୍ଷ ୫ ଲକ୍ଷରୁ ଅଧିକ ପରୀକ୍ଷାର୍ଥୀ ପରୀକ୍ଷା ଦେଇଛନ୍ତି । କରୋନା ସଂକ୍ରମଣକୁ ନଜରରେ ରଖି ୪ଟି ଆସେସମେଣ୍ଟ ଓ ପରେ ବୋର୍ଡ ଅଧିନରେ ଦୁଇଟି ସମ୍ମିଟିଭ୍ ପରୀକ୍ଷା ହୋଇଥିଲା । ୩ଟି ପଦ୍ଧତିରେ ପ୍ରକାଶିତ ହେବ ପରୀକ୍ଷା ଫଳ । ଚଳିତ ବର୍ଷ ଭଲ ରେଜଲ୍ଟ ହେବ ବୋଲି ଆଶା ରଖିଛନ୍ତି ଶିକ୍ଷକ ଓ ଅଭିଭାବକ ।