ମେ ୩ରୁ ୧୫ ପର୍ଯ୍ୟନ୍ତ ମାଟ୍ରିକ ପରୀକ୍ଷା, ମାଧ୍ୟମିକ ଶିକ୍ଷା ପରିଷଦ ଜାରି କଲା ପରୀକ୍ଷା ସୂଚୀ

କଟକ:  ମାଟ୍ରିକ ପରୀକ୍ଷା ନେଇ ମାଧ୍ୟମିକ ଶିକ୍ଷା ପରିଷଦର ବିଜ୍ଞପ୍ତି  ।  ମେ ୩ରୁ ୧୫ ପର୍ଯ୍ୟନ୍ତ ମାଟ୍ରିକ ପରୀକ୍ଷା । ସକାଳ ୮ଟାରୁ ୧୦ଟା ପର୍ଯ୍ୟନ୍ତ ପରୀକ୍ଷା ହେବା ନେଇ  କାର୍ଯ୍ୟସୂଚୀ  ଜାରି କରିଛି ମାଧ୍ୟମିକ ଶିକ୍ଷା ପରିଷଦ । ଉଭୟ ରେଗୁଲାର ଏବଂ ଏକ୍ସରେଗୁଲାର ପରୀକ୍ଷାର୍ଥୀଙ୍କ ପାଇଁ ଗୋଟିଏ ପ୍ରଶ୍ନପତ୍ର ରହିଥିବା ନେଇ ମଧ୍ୟ ସ୍ପଷ୍ଟ କରିଛି ବିଭାଗ ।

ଜାରି ହୋଇଥିବା ବିଜ୍ଞପ୍ତି ଅନୁଯାୟୀ ମେ ୩ ଅର୍ଥାତ ସୋମବାରୁ ଆରମ୍ଭ ହେବ ମାଚ୍ରିକ ପରୀକ୍ଷା । ପ୍ରଥମ ଦିନରେ ପ୍ରଥମ ଭାଷା ତଥା- ଓଡିଆ, ହିନ୍ଦୀ, ବଙ୍ଗଳା, ଉର୍ଦ୍ଦୁ ଏବଂ ତେଲୁଗୁ ଭାଷାର ପେପର ରହିଛି । ଦ୍ୱିତୀୟ ପରୀକ୍ଷା ୫ ତାରିଖ ଅର୍ଥାତ ବୁଧବାର ଦିନ ହେବାକୁ ଥିବାବେଳେ ଦ୍ୱିତୀୟ ଦିବସରେ ରହିଛି  ଇଂରାଜୀ ଭାଷାରେ ପରୀକ୍ଷା ।

୭ ତାରିଖ ଶୁକ୍ରବାର ତୃତୀୟ ଭାଷା ହିନ୍ଦୀ ଏବଂ ୮ ତାରିଖ ଶନିବାର ତୃତୀୟ ଭାଷା ସଂସ୍କୃତ ରହିଛି । ସେହିପରି ୧୦ ତାରିଖ ସୋମବାର ଦିନ ଗଣିତ ରହିଥିବାବେଳେ ୧୨ ତାରିଖ ବୁଧବାର ରହିଛି ବିଜ୍ଞାନ ପରୀକ୍ଷା । ଏବଂ ଶେଷ ଦିନରେ ଅର୍ଥାତ ୧୫ ତାରିଖ ଶନିବାର ସାମାଜିକ ବିଜ୍ଞାନ ବିଷୟ ରହିଥିବା ପରୀକ୍ଷା ସୂଚୀରେ ପ୍ରକାଶ କରିଛି ମାଧ୍ୟମିକ ଶିକ୍ଷା ପରଷଦ ।

ବିଭାଗ ପକ୍ଷରୁ ଜାରି ହୋଇଥିବା ନିର୍ଦ୍ଦେଶନାମା ଅନୁଯାଯୀ ୭. ୪୫ ରେ ପରୀକ୍ଷା କକ୍ଷରେ ପ୍ରବେଶ କରିବେ ଛାତ୍ରଛାତ୍ରୀ । ପରେ ସେମାନଙ୍କୁ ପ୍ରଶ୍ନପତ୍ର ବଣ୍ଟାଯିବ । ପ୍ରଥମେ ଛାତ୍ରଛାତ୍ରୀ ୮ଟାରୁ ୯ଟା ପର୍ଯ୍ୟନ୍ତ ଅବଜେକ୍ଟିଭ ପରୀକ୍ଷା ଦେବେ । ଏବଂ ପରବର୍ତ୍ତୀ ସମୟ ଅର୍ଥାତ ୯ଟାରୁ ୧୦ଟା ଭିତରେ ସବଜେକ୍ଟିଭ ପରୀକ୍ଷା ଦେବା ନେଇ ମାଧ୍ୟମିକ ଶିକ୍ଷା ପରଷଦ ବିଜ୍ଞପ୍ତି ଜାରି କରିଛି ।