ମାଥିଲି ସଦର ଲ୍ୟାମ୍ପସରେ ଗୁରୁତର ଦୁର୍ନୀତି ଅଭିଯୋଗ

ନନ୍ଦିଘୋଷ ବ୍ୟୁରୋ: ମାଲକାନଗିରି ମାଥିଲି ସଦର ଲ୍ୟାମ୍ପସରେ ଗୁରୁତର ଦୁର୍ନୀତି ଅଭିଯୋଗ। ଲ୍ୟାମ୍ପସରେ ପରିବାରବାଦ ଚାଲିଥିବା ନେଇ ଅଭିଯୋଗ କରିଛନ୍ତି ଚାଷୀ ଓ ଲ୍ୟାମ୍ପସ ସଦସ୍ୟ । ଏନେଇ ଭୁବନେଶ୍ବର ସ୍ଥିତ ରେଜିଷ୍ଟ୍ରାରଙ୍କ ପାଖରେ ଲିଖିତ ଅଭିଯୋଗ କରିଛନ୍ତି ଚାଷୀଙ୍କ ସମେତ ସ୍ଥାନୀୟ ଲୋକ । ଏ ନେଇ ଲ୍ୟାମ୍ପସ ନିର୍ଦ୍ଦେଶକଙ୍କ କହିବା ହେଲା ଅଭିଯୋଗ ର ସତ୍ୟତା ନାହିଁ ।

ମାଲକାନଗିରି ମାଥିଲି ସଦର ଲ୍ୟାମ୍ପସରେ ଦୁର୍ନିତୀ ଅଭିଯୋଗ। ବହୁମୁଖୀ ସମବାୟ ସମିତି ବା ଲ୍ୟାମ୍ପସରେ ପରିବାରବାଦ ଚାଲିଥିବା ନେଇ ଅଭିଯୋଗ । ଘର ସଦସ୍ୟଙ୍କୁ ମୁଖିଆ ଓ ନିର୍ଦ୍ଦେଶକ ପଦବୀ ଦେଇ ବିପୁଳ ଅର୍ଥ ହରିଲୁଟ ହୋଇଥିବା ଅଭିଯୋଗ ହୋଇଛି। ଏନେଇ ଭୁବନେଶ୍ବର ସ୍ଥିତ ରେଜିଷ୍ଟ୍ରାରଙ୍କ ପାଖରେ ଲିଖିତ ଅଭିଯୋଗ କରିଛନ୍ତି ସମାଜସେବୀ ଶରତ ଚନ୍ଦ୍ର ବୁରୁଦା ।

ଉନ୍ନୟନ କାର୍ଯ୍ୟରେ ଅଗ୍ରୀମ ଅର୍ଥ ନେବା, ସରକାରୀ ଶିକ୍ଷକଙ୍କ ନାଁରେ ଲ୍ୟାମ୍ପସରେ କାର୍ଯ୍ୟ କରୁଥିବା ନେଇ ମାସିକ ଦରମା ଉଠାଇବା , ମୃତ ଚାଷୀ ଓ କର୍ମଚାରୀଙ୍କ ନାଁରେ ଲକ୍ଷ ଲକ୍ଷ ଟଙ୍କା ହଡପ କରୁଥିବା ଅଭିଯୋଗ ହୋଇଛି । ସାର ପାଇଁ ଚାଷୀ ହାହାକାର ହେଉଥିବାବେଳେ ଲ୍ୟାମ୍ପସରେ ଚାଲିଥିବା ଅନିୟମିତତାକୁ ନେଇ ଉଠିଛି ପ୍ରଶ୍ନ । ମାଥିଲି ଅଞ୍ଚଳରେ ସାର ନପାଇ ଚାଷୀ ହେଉଛନ୍ତି ହନ୍ତସନ୍ତ। କିଛି ଦିନ ତଳେ ଏପରିକି ରାଜରାସ୍ତାରେ ଆନ୍ଦୋଳନ କରିଥିଲେ ଅନ୍ନଦାତା।