DEO, DPC ଓ BEOଙ୍କୁ ଗଣଶିକ୍ଷା ବିଭାଗର ନିର୍ଦ୍ଦେଶ; ଆଶ୍ରୟ ସ୍ଥଳ ଓ ରିଲିଫ ବଣ୍ଟନରେ ସ୍କୁଲକୁ ବ୍ୟବହାର କରାଯାଉ

ଭୁବନେଶ୍ୱର: ଆସନ୍ନ ବର୍ଷା ଓ ବନ୍ୟା ଲାଗି ଗଣଶିକ୍ଷା ବିଭାଗର ପ୍ରାକ୍ ପ୍ରସ୍ତୁତି । DEO, DPC ଓ BEOଙ୍କୁ ନିର୍ଦ୍ଦେଶ ଜାରି କଲା ବିଭାଗ । ପ୍ରଭାବିତ ଜିଲ୍ଲାରେ ସ୍କୁଲ ଘରକୁ ପ୍ରଶାସନ ଲାଗି ଉପଲବ୍ଧ କରିବାକୁ ନିର୍ଦ୍ଦେଶ । ଆଶ୍ରୟ ସ୍ଥଳ ଓ ରିଲିଫ ବଣ୍ଟନ କାର୍ଯ୍ୟରେ ସ୍କୁଲକୁ ବ୍ୟବହାର କରାଯାଉ, ଆବ୍ୟଶ୍ୟକସ୍ଥଳେ ସ୍କୁଲ MDM ସାମଗ୍ରୀ ବ୍ୟବହାର ପାଇଁ ନିର୍ଦ୍ଦେଶ ଦିଆଯାଇଛି । ପରେ ଏହାକୁ ଭରଣ କରାଯାଇପାରିବ ବୋଲି ବିଭାଗ ପକ୍ଷରୁ କୁହାଯାଇଛି । ଏଥିସହ ବିଦ୍ୟାଳୟର ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟକୁ ସୁରକ୍ଷିତ ଭାବେ ରଖିବାକୁ ପରାମର୍ଶ ଦିଆଯିବା ସହ ବର୍ଷା ଯୋଗୁ ଯେଉଁ କ୍ଷୟକ୍ଷତି ହେବ ରିପୋର୍ଟ ଦେବାକୁ ବି ନିର୍ଦ୍ଦେଶ ଦିଆଯାଇଛି।