ବିବାହ ଭୋଜିରେ ଗୋଷ୍ଠୀ କନ୍ଦଳକୁ ନେଇ ମୁଣ୍ଡ ଗଡ଼ିଲା, ୩ ଅଟକ

ପିପିଲି: ଗୋଷ୍ଠୀ ସଂଘର୍ଷ ନେଲା ଜୀବନ । ପିପିଲି ରେଙ୍ଗଳ ଗାଁରେ ଅଘଟଣ । ଦୁଇଟି ଗୋଷ୍ଠୀ ମଧ୍ୟରେ ଗଣ୍ଡଗୋଳରେ ଜଣଙ୍କର ମୃତ୍ୟୁ ହୋଇଛି । ମୃତକ ହେଲେ କାଶିନାଥ ମହାପାତ୍ର ।

ଗତକାଲି ଉକ୍ତ ଗାଁରେ ଚାଲିଥିବା ଏକ ବାହାଘର ଭୋଜିରେ ଦୁଇ ଗୋଷ୍ଠୀ ମଧ୍ୟରେ ଯୁକ୍ତିତର୍କ ହୋଇଥିଲା। ତେବେ ବିବାଦ ନେଇଥିଲା ଉଗ୍ରରୂପ । ଗୋଟିଏ ଗୋଷ୍ଠୀର ଯୁବକ ମାନେ ଅନ୍ୟ ଗୋଷ୍ଠିର କାଶିନାଥଙ୍କୁ ପଥରେ ଛେଚି ହତ୍ୟା କରିଛନ୍ତି ।

ମୃତକଙ୍କ ପରିବାର ପକ୍ଷରୁ ଥାନାରେ ଅଭିଯୋଗ ପରେ ତିନି ଜଣଙ୍କୁ ଅଟକ ରଖି ପଚରାଉଚରା କରୁଛି ଡେଲାଙ୍ଗ ପୋଲିସ ।