ବର୍ଷେ ମଧ୍ୟରେ ନେଇଥାନ୍ତେ ଅବସର, ହେଲେ ଦୁନିଆରୁ ନେଲେ ବିଦାୟ
ତାମିଲନାଡ଼ୁ: ଶହୀଦ ଯବାନ ହାବଲଦାର କେ. ପଲାନୀ ଚୀନ ସହିତ ହିଂସା ସମୟରେ ଶହୀଦ ହୋଇଥିବା ଯବାନଙ୍କ ମଧ୍ୟରୁ ଜଣେ । ୧୫ ଜୁନ୍ରେ ପୂର୍ବ ଲଦାଖର ଗଲଓ୍ୱାନ ଘାଟିରେ ଚୀନ ସୈନିକଙ୍କ ସହିତ ହୋଇଥିବା ହିଂସାରେ ଶତ୍ରୁଙ୍କୁ ବୀରତାର ସହିତ ସାମ୍ନା କରିଥିଲେ ଏବଂ ଶହୀଦ ହୋଇଥିଲେ ।
। ଶହୀଦ ପଲାନୀ ତାମିଲନାଡ଼ୁର ବାସିନ୍ଦା । ସେ କିଛି ଦିନ ପୂର୍ବରୁ ଋଣ ନେଇ ନିଜ ପରିବାର ପାଇଁ ଘର ତିଆରି କରିଥିଲେ । ଗୋଟିଏ ବର୍ଷ ମଧ୍ୟରେ ଅବସର ନେଲା ପରେ ନିଜ ପରିବାର ସହ ସେହି ଘରେ ରହିଥାନ୍ତେ । କିନ୍ତୁ ୧୫ ଜୁନ୍ର ସେହି ଘମାସାନରେ ସେ ଶହୀଦ ହୋଇଛନ୍ତି ।
ଶହୀଦ ପଲାନୀଙ୍କ ବୟସ ପାଖାପାଖି ୪୦ ହେବ । ସେ ତାମିଲନାଡ଼ୁର ରମନପୁରମ୍ ଜିଲ୍ଲାର ଥିରୁବଦନାଇ ଗାଁରେ ରହୁଥିଲେ । ସେ ଆଗକୁ ଅବସର ନେବା ପାଇଁ ଯୋଜନା କରୁଥିଲେ । ଯାହା ପରେ ସେ ନିଜ ପରିବାର ସହିତ ରହିଥାନ୍ତେ । ଶହୀଦ ପଲାନୀ ୧୭ ଲକ୍ଷ ଟଙ୍କାର ଲୋନ୍ ନେଇ ଘର ତିଆରି କରିଥିଲେ । ସେ ନିଜ ଘର ଗାଁରୁ ୬୫ କିଲୋମିଟର ଦୂରରେ ତିଆରି କରିଥିଲେ ଯାହାଫଳରେ ତାଙ୍କ ଛୁଆମାନଙ୍କୁ ଭଲ ସ୍କୁଲରେ ଆଡମିସନ ହୋଇପାରିବ ଏବଂ ଯିବା ଆସିବାରେ ସୁବିଧା ହେବ ।
ଗତ ଜୁନ୍ ୩ ତାରିଖରେ ପଲାନୀଙ୍କ ଜନ୍ମଦିନ ଥିଲା । ସେ ସେଦିନ ଡ୍ୟୁଟିରେ ଥିବା ବେଳେ ତାଙ୍କ ପରିବାର ଲୋକେ ଗୃହ ପ୍ରବେଶ କରିଥିଲେ । କିନ୍ତୁ ବର୍ଡରରେ ଚାଲିଥିବା ତିକ୍ତତା ଭିତରେ ସେ ଘରକୁ ଫେରିପାରିନଥିଲେ । ସେ ଫୋନ୍ ମାଧ୍ୟମରେ ହିଁ ନିଜ ପତ୍ନୀଙ୍କ ସହ କଥା ହେଲେ ଏବଂ ଗୃହ ପ୍ରବେଶ ସମୟରେ ଗଣପତି ମଧ୍ୟ ଶୁଣିଥିଲେ ।
ପାଖାପାଖି ୬ ମାସ ପୂର୍ବେ ସେ ୧୫ ଦିନ ପାଇଁ ଛୁଟିରେ ଘରକୁ ଆସିଥିଲେ । ହାବିଲଦାର ପଲାନୀ ୩ ଭାଇ ଓ ଭଉଣୀଙ୍କ ମଧ୍ୟରେ ସବୁଠୁ ଛୋଟ ହୋଇଥିବା ବେଳେ ୧୦ ଶ୍ରେଣୀ ପାସ୍ କରିବା ପରେ ୧୮ ବର୍ଷ ବୟସରେ ସେନାରେ ଭର୍ତ୍ତି ହୋଇଥିଲେ । ପରେ ଡିଷ୍ଟାନ୍ସ ଏଜୁକେସନ୍ ମାଧ୍ୟମରେ ଯୁକତ ୨ ଓ ଗ୍ରାଜୁଏସନ୍ ପାଠକ୍ରମ ପୂରା କରିଥିଲେ । ତାଙ୍କ ପତ୍ନୀ ଏକ ଘରୋଇ କଲେଜର କ୍ଳକ୍ ଭାବେ କାର୍ଯ୍ୟରତ ଅଛନ୍ତି ।
