ଥାନା ପରିସରରେ ସାତ ଜନ୍ମର ସାଥି ହେଲେ ପ୍ରେମୀ ଯୁଗଳ

ଭୁବନେଶ୍ୱର: ଫେରାର ପ୍ରେମୀ ଯୁଗଳଙ୍କୁ ଥାନାରେ ବାହା କରେଇଲା ପୋଲିସ । ଖୋର୍ଦ୍ଧାର ଝିଅ ଭୁବନେଶ୍ୱରର ପୁଅ । ପ୍ରେମୀ ଯୁଗଳ ଫେରାର ହେବା ପରେ ନିଖୋଜ ଅଭିଯୋଗ କରିଥିଲେ ପରିବାର ଲୋକେ । ମୋବାଇଲ ନମ୍ବରରୁ ପୋଲିସ ଟ୍ରାକିଂ କରି ସେମାନଙ୍କ ପାଖରେ ପହଞ୍ଚିଥିଲା । ଉଭୟ ସାବାଳକ ହୋଇଥିବା ସତ୍ତ୍ୱେ ଉଭୟଙ୍କ ଘରେ କେହି ରାଜି ନହେବାରୁ ଘରୁ ଫେରାର ହୋଇଯାଇଥିଲେ । ଲକ ଡାଉନରେ କେଉଁଠି ବାହା ହୋଇପାରୁନଥିଲେ । ଯେଉଁ ମନ୍ଦିରକୁ ଯାଉଥିଲେ ସରକାରୀ ନିୟମ ପାଇଁ ସେଠାରୁ ମୁଁହ ଫେରାଉଥିଲେ । ପୋଲିସ ସେମାନଙ୍କ ପାଖରେ ପହଁଚିବା ପରେ ସମସ୍ୟା ବୁଝି ପରିବାର ଲୋକଙ୍କୁ ଥାନାକୁ ଡାକି ସେମାନଙ୍କର ବାହାଘର ଥାନାରେ କରିଛି । ନିଖୋଜ ପୁଅ ଝିଅଙ୍କୁ ପୋଲିସ ଉଦ୍ଧାର କରିବା ପରେ ସହିଦ ନଗର ଥାନାରେ ସେମାନଙ୍କର ବାହାଘର କରାଯାଇଛି ।

ଏଥିସହିତ ପଢ଼ନ୍ତୁ: ପ୍ରଧାନମନ୍ତ୍ରୀଙ୍କ ସହ କାଶ୍ମୀର ନେତାଙ୍କ ଆଲୋଚନା ପୂର୍ବରୁ ହାଇସ୍ପିଡ୍ ଇଣ୍ଟରନେଟ୍ ସେବା ବନ୍ଦ, ୪୮ ଘଣ୍ଟା ପାଇଁ ହାଇ ଆଲର୍ଟ