ଜଳପଥରେ କଡ଼ାକଡ଼ି ଯାଞ୍ଚ, ପଇଁତରା ମାରୁଛି ମେରାଇନ୍ ଥାନା ପୋଲିସ
ଆରଡ଼ି: ମହାମାରୀ କରୋନାକୁ ଚେକ୍ ଦେବା ପାଇଁ ସମସ୍ତ ମେରାଇନ୍ ଅଞ୍ଚଳରେ ଚେକିଂକୁ କଡ଼ାକଡ଼ି କରାଯାଇଛି । ଭଦ୍ରକ ସୀମାନ୍ତବର୍ତ୍ତୀ ଅଞ୍ଚଳ ତଥା ଧାମରାରେ ଥିବା ମେରାଇନ ପୋଲିସ ଯାଞ୍ଚକୁ କଡ଼ାକଡ଼ି କରିଛି । ମେରାଇନ୍ ଥାନାର ଅଧିକାରୀଙ୍କ ଅନୁଯାୟୀ ଗତ ୨ ଦିନ ହେବ ମାଛମରା ଟ୍ରଲର ଓ ଡଙ୍ଗାକୁ ନିଷିଦ୍ଧ କରାଯାଇଛି । ଆଜିଠାରୁ ଯେପରି ବାହାର ରାଜ୍ଯରୁ ଜଳପଥ ଦେଇ କେହି ନ ଆସିବେ ସେଥିପାଇଁ ଥାନା ବୋଟ ଦ୍ବାରା ସମୁଦ୍ର ତଟବର୍ତ୍ତୀ ଅଞ୍ଚଳରେ ପଇଁତରା ମାରୁଛି ପୋଲିସ ।
ଏଥିସହ ସ୍ଥାନୀୟ ଲୋକଙ୍କ ଜୀବନ ଜୀବିକା ଉପରେ ଯେପରି କରୋନା ପ୍ରଭାବ ନ ପଡ଼ିବ ସେଥିପାଇଁ ସହାୟତା ଲୋଡ଼ିଛି ପୋଲିସ । ଗତବର୍ଷ ଠିକ୍ ଏହି ସମୟରେ ପଡ଼ୋଶୀ ପଶ୍ଚିମବଙ୍ଗ, ବିହାର ଆଦି ରାଜ୍ଯରୁ ଜଳପଥକୁ ସାହାରା କରି ଓଡ଼ିଶାର ବିଭିନ୍ନ ସ୍ଥାନକୁ ପ୍ରବାସୀ ଫେରିଥିଲେ । ଚଳିତବର୍ଷ ଘାତକ କରୋନା ଉଗ୍ରରୂପ ନେଉଥିବାରୁ ସରକାର ବାହାର ରାଜ୍ଯକୁ ବସ୍ ସେବା ବନ୍ଦ କରିଥିବା ବେଳେ ଏବେ ଜଳପଥକୁ ବନ୍ଦ କରିଛନ୍ତି । ଯଦି କେହି ଜଳପଥରେ ଆସନ୍ତି ତାହେଲେ ମଟର ବୋଟ ଓ ଟ୍ରଲରକୁ ଜବତ କରାଯିବା ସହ ପ୍ରବାସୀଙ୍କ କ୍ୱାରେଣ୍ଟାଇନରେ ରଖାଯିବ ।
