୧୧ ମାର୍ଚ୍ଚର ଇତିହାସ : ଏହି ସେ କଳାଦିନ ଯେଉଁଦିନ କରୋନାକୁ ମହାମାରୀ ଘୋଷିତ କରାଯାଇଥିଲା

ନନ୍ଦିଘୋଷ ବ୍ୟୁରୋ: ବିଶ୍ବ ପାଇଁ ୧୧ ମାର୍ଚ୍ଚର ଇତିହାସ ଅତ୍ୟନ୍ତ ମହତ୍ତ୍ବପୂର୍ଣ୍ଣ ଅଟେ । ଆଜି ସେହି ଦିନ ଯେଉଁଦିନ କରୋନାକୁ ମହାମାରୀ ଭାବେ ଘୋଷିତ କରାଯାଇଥିଲା । ସେହି ଭାଇରସ ଯିଏ ସାରା ବିଶ୍ବକୁ ଦୋହଲାଇ ଦେଇଥିଲା । ଅଗଣିତ ମୃତ୍ୟୁ ଏହି ଭାଇରସର ସାକ୍ଷୀ ଅଟନ୍ତି । ୧୧ ମାର୍ଚ୍ଚ ୨୦୨୧ରେ ପାଖାପାଖି ୧୧କୋଟି ଲୋକ ଏହି ମହାମାରୀର ଶିକାର ହୋଇଥିଲେ ।  ଏହାକୁ ଦୃଷ୍ଟିରେ ରଖି ବିଶ୍ବ ସ୍ବାସ୍ଥ୍ୟ ସଙ୍ଗଠନ ୧୧ ମାର୍ଚ୍ଚ ୨୦୨୧ରେ କରୋନାକୁ ମହାମାରୀ ଭାବେ ଘୋଷିତ କରିଥିଲା । ଏହାପରେ ସମ୍ପର୍ଣ୍ଣ ମାନବ ଜାତି ଏହି ମହାମାରୀ ସହିତ ଲଢେଇ କରିବା ପାଇଁ ଏକଜୁଟ ହୋଇଥିଲେ ।

କରୋନାର ଆରମ୍ଭ ୨୦୨୦ ମସିହାରେ ନିମୋନିଆରୁ ଆରମ୍ଭ ହୋଇଥିଲା । ଯାହାର ଚିକିତ୍ସା ସମ୍ଭବ ଥିଲା । ତେବେ ୩୧ ଜାନୁୟାରୀ ୨୦୨୦ରେ କରୋନାର ପ୍ରଥମ କେସ୍ ସାମ୍ନାକୁ ଆସିଥିଲା ।  ଏହାଛଡା ଆଜିର ଦିନରେ ୧୬୮୯ରେ ଆଉରଙ୍ଗଜେବ ମରାଠା ଯୋଦ୍ଧା ଛତ୍ରପତି ଶିବାଜୀ ମହାରାଜଙ୍କ ପୁଅ ସମ୍ଭାଙ୍କୁ ନିର୍ଦ୍ଦୟ ଭାବେ ହତ୍ୟା କରିଥିଲେ । ୨୦୦୬ ମସିହା ଆଜିର ଦିନରେ ପ୍ରଥମ ଥର ଚିଲିକୁ ପ୍ରଥମ ମହିଳା ରାଷ୍ଟ୍ରପତି ମିଳିଥିଲା ।

୧୧ ମାର୍ଚ୍ଚରେ ଘଟିଥିବା ମହତ୍ତ୍ବପୂର୍ଣ୍ଣ ଘଟଣା :

• ୧୬୮୯ରେ ମୋଗଲ ସମ୍ରାଟ ଆଉରଙ୍ଗଜେବ ଛତ୍ରପତି ଶିବାଜୀ ମହାରାଜଙ୍କ ପୁତ୍ରକୁ ହତ୍ୟା କରିଥିଲେ
• ୧୯୪୮ରେ ଭାରତର ପ୍ରଥମ ପୋତ ‘ଜଲ ଉଷା’ ବିଶାଖାପାଟଣାରେ ଜଳାବତରଣ କରିଥିଲା,ଯାହାକୁ ଆଧୁନିକ ପ୍ରଣାଳୀରେ ସଜ୍ଜିତ କରାଯାଇଥିଲା
• ୧୯୮୫ରେ ସୋଭିୟତ ନେତା କୋସ୍ତାନ୍ତିନ ଚେରେଙ୍କୋଙ୍କ ମୃତ୍ୟୁ ପରେ ମିଖାଇଲ ଗୋର୍ବାଚେବଙ୍କୁ ସୋଭିୟତ ସଙ୍ଘର ନେତା ଭାବେ ଚୟନ କରାଯାଇଥିଲା
• ୧୯୯୦ ମସିହାରେ ଲିଥୁଆନିଆ ମତଦାନ ପରେ ନିଜେ ନିଜେ ସୋଭିୟତ ସଙ୍ଘକୁ ସ୍ବତନ୍ତ୍ର ରାଷ୍ଟ୍ର ଭାବେ ଘୋଷିତ କରିଦେଇଥିଲେ, ଏହା ପ୍ରଥମ ସୋଭିୟତ ଗଣରାଜ୍ୟ ଥିଲା
• ୧୯୯୬ରେ ଇରାନରେ ବିବାଦସ୍ପଦ ପୁସ୍ତକ ‘ସୈଟେନିକ ବର୍ସେଜ’ର ଲେଖକ ସଲମାନ ଋଷଦିଙ୍କ ବିରୋଧରେ ଫତବେ ଫେରାଇନିଆଯାଇଥିଲା
• ୨୦୦୪ ମସିହାରେ ସ୍ପେନର ୩ଟି ରେଲଓ୍ବେ ଷ୍ଟେସନ ଉପରେ ବିସ୍ଫୋରଣ ହୋଇଥିଲା, ଯେଉଁଥିରେ ୧୯୦ଲୋକଙ୍କ ମୃତ୍ୟୁ ଏବଂ ୧୨୦୦ଲୋକ ଆହତ ହୋଇଥିଲେ
• ୨୦୦୬ରେ ଚିଲିକୁ ପ୍ରଥମ ମହିଳା ରାଷ୍ଟ୍ରପତି ମିଳିଥିଲା
• ୨୦୦୮ରେ ନାସା ନିଜର ଅନ୍ତରୀକ୍ଷ ଯାନ ’ଏଣ୍ଡବର’ ର ସଫଳ ଉତକ୍ଷେପଣ କରିଥିଲା