କୋଲକାତା : ପଶ୍ଚିମବଙ୍ଗ ଶିକ୍ଷକ ଦୁର୍ନୀତି ମାମଲାରେ ଛନ୍ଦି ହେଲେ ମମତା ବାନାର୍ଜୀଙ୍କ ମନ୍ତ୍ରୀ ଚନ୍ଦ୍ରନାଥ ସିନ୍ହା। ଚନ୍ଦ୍ରନାଥଙ୍କ ଘରେ ୨ ଦିନ ଧରି ମାରାଥନ୍ ରେଡ୍ କରିଛି ଇଡି । ପଶ୍ଚିମବଙ୍ଗର ବୀର ଭୂମ ଜିଲ୍ଲା ସ୍ଥିତ ବୋଲ୍ ପୁର ଅଞ୍ଚଳରେ ଥିବା ଘରେ ଇଡି ଅଧିକାରୀ ମାରାଥନ୍ ରେଡ କରିଛନ୍ତି। ଚନ୍ଦ୍ରନାଥଙ୍କ ଘରୁ ନଗଦ ୪୧ ଲକ୍ଷ ଟଙ୍କା ସହିତ ମୋବାଇଲ ଜବତ କରିଛନ୍ତି ଇଡି ଅଧିକାରୀ। ପଶ୍ଚିମବଙ୍ଗରେ ଶିକ୍ଷକ ଦୁର୍ନୀତି ମାମଲାରେ ଛନ୍ଦି ହୋଇଛନ୍ତି ଚନ୍ଦ୍ରନାଥ ସିନହା। ଇଡି ଦ୍ଵାରା ଗିରଫ ମମତା ବାନାର୍ଜୀଙ୍କ ପୂର୍ବତନ ମନ୍ତ୍ରୀ ପାର୍ଥ ଚାଟାର୍ଜୀ ପଚରାଉଚରା ସମୟରେ ଚନ୍ଦ୍ରନାଥ ସିନ୍ହାଙ୍କ ନାମ ନେଇଥିବା ଇଡି ସୂତ୍ରରୁ ଜଣାପଡ଼ିଛି ।
