ଗରିଆବନ୍ଧ: ପୁଣି ମାତିଲେ ମାଓବାଦୀ। ସୀମାନ୍ତ ଛତିଶଗଡ଼ର ଗରିଆବନ୍ଧ ଜିଲ୍ଲାରେ ମାଓବାଦୀଙ୍କ ଲଙ୍କାକାଣ୍ଡ ପରେ ଜଣଙ୍କୁ ଅପହରଣ କରାଯାଇଥିବା ଅଭିଯୋଗ। ପିପଲଖୁଟା ଗାଁ ନିକଟରେ ଲାଲବାହିନୀ ୫ରୁ ଅଧିକ ଗାଡି ଜାଳି ଦେଇଥିବା ସୂଚନା ମିଳିଛି।
ରିପୋର୍ଟ ଅନୁଯାୟୀ, ଜଳସେଚନ ବିଭାଗର କେନାଲ କାମକୁ ବିରୋଧ କରି ମାଓବାଦୀ ମାନେ ଏହି ଲଙ୍କାକାଣ୍ଡ ଭିଆଇଛନ୍ତି। କେନାଲ କାମରେ ନିୟୋଜିତ ୫ଟି ଗାଡି ଜାଳି ଦେଇଛନ୍ତି ମାଓବାଦୀ। ତେବେ ଘଟଣାସ୍ଥଳରେ ଥିବା ସୁପରଭାଇଜରଙ୍କୁ ମାଓବାଦୀ ମାନେ ଅପହରଣ କରି ନେଇଥିବା ଅଭିଯୋଗ ହୋଇଛି।
