ପୋଲିସ ଇନଫର୍ମର ସନ୍ଦେହରେ ୪ ଜଣଙ୍କୁ ହତ୍ୟା କଲେ ମାଓବାଦୀ

ମାଲକାନଗିରି: ସୀମାନ୍ତ ଛତିଶଗଡ଼ରୁ ବଡ଼ ଖବର ଆସୁଛି । ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ରେ ଲାଲ୍ ବାହିନୀ ବଡ଼ ଧରଣର ହିଂସାକାଣ୍ଡ ଘଟାଇଛି । ବିଜାପୁର ଜିଲ୍ଲା ଗଙ୍ଗାଲୁର ଥାନା ଅଞ୍ଚଳରେ ମାଓବାଦୀ ପ୍ରଜାକୋର୍ଟ ବସାଇଥିଲେ । ପ୍ରଜାକୋର୍ଟରେ ୪ ଜଣ ଗ୍ରାମବାସୀଙ୍କୁ ମାଓବାଦୀ ବୀଭତ୍ସ ଭାବେ ହତ୍ୟା କରିଥିବା ଖବର ଆସୁଛି ।

ପୋଲିସ ଇନଫର୍ମର ସନ୍ଦେହରେ ମାଓବାଦୀ ୪ ଜଣ ଗ୍ରାମବାସୀଙ୍କୁ ହତ୍ୟା କରିଥିବା ବେଳେ ଆଉ କିଛି ଗ୍ରାମବାସୀଙ୍କୁ ଅପହରଣ କରି ନେଇଛନ୍ତି । ତେବେ, ଏନେଇ ଛତିଶଗଡ଼ ପୋଲିସ ପକ୍ଷରୁ କୌଣସି ସ୍ପଷ୍ଟ ସୂଚନା ମିଳି ପାରିନାହିଁ ।