ମାଲକାନଗିରି: ମାଲକାନଗିରି ଛତିଶଗଡ ସିମାନ୍ତ ବିଜାପୁର ଜିଲ୍ଲାରେ ପୁଣି ମାଓ ହିଂସା ଦେଖିବାକୁ ମିଳିଛି । ସ୍ବାମୀଙ୍କ ସାମ୍ନାରେ ସ୍ତ୍ରୀଙ୍କୁ ଅତି ନିର୍ମମ ଭାବେ ଗଳା କାଟି ହତ୍ୟା କରିଛନ୍ତି ଲାଲ୍ ବାହିନୀ । ସୂଚନା ଅନୁଯାୟୀ, ତେଲେଙ୍ଗାନା ପୋଲିସ ଇନଫର୍ମର ସନ୍ଦେହରେ ଗତ କାଲି ମଦେଡ ଥାନା ଅନ୍ତର୍ଗତ ଲୋଦେଡ ଗ୍ରାମର ଦମ୍ପତି ରାମାୟା ୟାଲମ ଓ ସୁକରା ୟାଲମଙ୍କୁ ମାଓବାଦୀ ମାନେ ଘରୁ ଅପହରଣ କରି ତିନି କିଲୋମିଟର ଦୂର ଜଙ୍ଗଲକୁ ନେଇଥିଲେ। ହେଲେ ଆଜି ସକାଳେ ସ୍ୱାମୀ ରାମାୟା ୟାଲମଙ୍କୁ ନକ୍ସଲ ମାନେ ବାଡିରେ ନିସ୍ତୁକ ଭାବେ ପିଟିଥିବା ବେଳେ ସ୍ବାମୀଙ୍କ ସାମ୍ନାରେ ସ୍ତ୍ରୀ ସୁକରା ୟାଲମଙ୍କୁ ନକ୍ସଲ ମାନେ ଗଳା କାଟି ହତ୍ୟା କରିଛନ୍ତି ।
ମାଓବାଦୀଙ୍କ ହତ୍ୟା କାଣ୍ଡ ସଂପର୍କରେ ସୂଚନା ପାଇ ବିଜାପୁର ପୋଲିସ ଘଟଣା ସ୍ଥଳରେ ପହଞ୍ଚି ଶବ ଉଦ୍ଧାର କରିବା ସହ କୁମିଂ ଅପରେସନ ଆରମ୍ଭ କରିଛି । ଘଟଣା ସଂପର୍କରେ ସୂଚନା ଦେଇଛନ୍ତି ବିଜାପୁର ଏସପି ଜିତେନ୍ଦ୍ର ଯାଦବ ।
