ଭୁଶୁଡ଼ୁଛି ମାଓ ଗଡ଼, କନ୍ଧମାଳ ପୋଲିସ ପାଖରେ ଜଣେ ମାଓବାଦୀର ଆତ୍ମସମର୍ପଣ
ଫୁଲବାଣୀ: କନ୍ଧମାଳ ପୋଲିସ ପାଖରେ ମାଓବାଦୀଙ୍କ ଆତ୍ମସମର୍ପଣ । ଛତିଶଗଡ଼ରେ ସକ୍ରିୟ ଥିବା ମାଓବାଦୀ ରାହୁଲ ମୂଷାକୀ ଆତ୍ମସମର୍ପଣ କରିଛି । ସୁକୁମା ଜିଲ୍ଲା ତଲତ ଗାଁରେ ରାହୁଲର ଘର । ୨୦୧୫ରେ ମାଓବାଦୀ ସଂଗଠନରେ ଯୋଗ ଦେଇଥିଲା ଏବଂ ଜଣେ ପାର୍ଟି ମେମ୍ବର ଭାବେ ବଂଶଧାରା ଘୁମୁସର ନାଗାବଳି ଡିଭିଜନରେ କାମ କରୁଥିଲା ।
ବହୁ ମାଓ ସଂଗଠନରେ କାମ କରୁଥିବା ସମୟରେ ବହୁ ମାଓ ହିଂସାକାଣ୍ଡରେ ସାମିଲ୍ ଥିଲା । ମାଓବାଦୀଙ୍କ କଥା ନଶୁଣିଲେ ତାଙ୍କୁ ନିର୍ଯାତନା ସହ ହତ୍ୟା କରୁଥିଲା । ସମାଜର ମୁଖ୍ୟ ସ୍ରୋତରେ ସାମିଲ୍ ହେବାକୁ ସେ ମାଓ ସଂଗଠନ ଛାଡ଼ିଥିବା କହିଛି । ମାଓବାଦୀ ହିଂସାର ରାସ୍ତା ଛାଡ଼ି ମୁଖ୍ୟ ସ୍ରୋତରେ ସାମିଲ୍ ହୋଇ ବିକାଶରେ ସାମିଲ୍ ହୁଅନ୍ତୁ ବୋଲି କନ୍ଧମାଳ ଏସପି ଭିନୀତ ଅଗ୍ରୱାଲ କହିଛନ୍ତି ।
