ସୁରକ୍ଷାକର୍ମୀଙ୍କ ଗୁଳିରେ ୩ ମାଓବାଦୀ ନିହତ

ରାୟପୁର :  ଛତିଶଗଡ଼଼ରେ ମାଓ ଏନକାଉଣ୍ଟର। ସୁରକ୍ଷାକର୍ମୀଙ୍କ ଗୁଳିରେ ୩ ମାଓବାଦୀ ନିହତ। ଗାରିଆବନ୍ଧ ଜିଲ୍ଲାରେ  ନକ୍ସଲ ସହ ମୁହାଁମୁହିଁ ହୋଇଥିଲେ ଯବାନ। ଜୋରଦୋର ହୋଇଥିଲା ଗୁଳିବିନିମୟ। ଏଥିରେ ୩ ନକ୍ସଲ ନିପାତ ହୋଇଛନ୍ତି। କମ୍ବି ଅପରେସନ ଚାଲିଥିବାବେଳେ ନକ୍ସଲଙ୍କ ସହ ସୁରକ୍ଷାକର୍ମୀ ମୁହାଁମୁହିଁ ହୋଇଥିଲେ। ସର୍ଚ୍ଚ ଅପରେସନରେ ଏସଓଜି, ସିଆରପିଏଫ୍ ଏବଂ ମିଳିତ ପୋଲିସ ଟିମ ସାମିଲ ହୋଇଥିଲେ। ଛତିଶଗଡ଼ ପୋଲିସ ସହ ଓଡ଼ିଶା ପୋଲିସ ଏହି ମିଳିତ ଅପରେସନରେ ସାମିଲ ହୋଇଥିଲା। ଖୋଜାଖୋଜି ପରେ ୨ ନକ୍ସଲଙ୍କ ମୃତଦେହ ଜବତ ହୋଇଛି। ବିପୁଳ ପରିମାଣର ଅସ୍ତ୍ରଶସ୍ତ୍ର ମଧ୍ୟ ଜବତ ହୋଇଛି। ଅଧିକ ସଂଖ୍ୟକ ମାଓବାଦୀ ସାମିଲ ଥିବା ନେଇ ସୁରକ୍ଷାକର୍ମୀଙ୍କ ପକ୍ଷରୁ ସର୍ଚ୍ଚ ଅପରେସନକୁ ଜୋରଦାର କରାଯାଇଛି। ସେପଟେ ବିଜାପୁର ଜିଲ୍ଲାରେ କମ୍ବି ଅପରେସନ ଚାଲିଥିବାବେଳେ ଆଇଇଡି ବ୍ଲାଷ୍ଟରେ ୩ ଜବାନ ଆହତ ହୋଇଛନ୍ତି।