ପ୍ରଜାକୋର୍ଟରେ ମାଓବାଦୀଙ୍କ ବିଭତ୍ସ ହତ୍ୟା

ମାଲକାନଗିରି: ପ୍ରଜାକୋର୍ଟରେ ଜଣକୁ ହତ୍ୟା କଲେ ମାଓବାଦୀ। ପୋଲିସ ଇନଫର୍ମର ସନ୍ଦେହରେ ହତ୍ୟା କରିଥିବା ଜଣାପଡିଛି  ।  ମୃତକ ଜଣକ ହେଉଛନ୍ତି ଆନନ୍ଦ । ମହୁପଦର ଅଞ୍ଚଳର କେରିମିଟି ଗାଁରେ ଘଟିଛି ଏହି ଅଭାବନୀୟ ଘଟଣା  । ଗତ ଗୁରୁବାର ଦିନ ଆନନ୍ଦକୁ ମାଓବାଦୀ ନିଜ ଦଲଦଳି ଗାଁକୁ ଡାକିନେଇଥିଲେ। ଶୁକ୍ରବାର ଦିନ ନିସ୍ତୁକ ମାଡ଼ ମାରିବା ସହ ଶନିବାର ଦିନ ପ୍ରଜାକୋର୍ଟ କରିଥିଲେ  ।

ଏହି ପ୍ରଜାକୋର୍ଟରେ ହିଁ ଆନନ୍ଦଙ୍କୁ ମୃତ୍ୟୁଦଣ୍ଡ ଦେଇଥିଲେ । ପ୍ରଥମେ ମାଓବାଦୀମାନେ ଆନନ୍ଦଙ୍କୁ ହତ୍ୟା କରିଥିଲେ ପରେ ମୃତ ଦେହଟିକୁ ଜାଳି ଦେଇଥିବା ଜଣାପଡିଛି। ସେପଟେ ପୋଲିସ ଘଟଣା ସମ୍ପର୍କରେ ଜାଣିବା ପରେ ଅନୁଧ୍ୟାନ ଆରମ୍ଭ କରିଛି ।