ଝାଡ଼ଖଣ୍ଡ: ସୀମାନ୍ତରେ ମାଓ କ୍ୟାମ୍ପ ଠାବ। ନିର୍ବାଚନ ପୁର୍ବରୁ ସୀମାନ୍ତରେ ମାଓ କ୍ୟାମ୍ପ ଠାବ ହୋଇଥିବା ଜଣାପଡିଛି। ଓଡିଶା-ଝାଡ଼ଖଣ୍ଡ ସୀମାନ୍ତ ଝାଡ଼ଖଣ୍ଡର ଗୋଏଲକେରା ଥାନା ଟେଣ୍ଟୋ ଜଙ୍ଗଲରେ ଠାବ ହୋଇଛି ମାଓ କ୍ୟାମ୍ପ। କମ୍ବିଂ ଅପରେସନ ସମୟରେ ଏହି ମାଓ କ୍ୟାମ୍ପ ଠାବ ହୋଇଛି। ବିଷାକ୍ତ ଲେପ ଥିବା ୨୧ଟି ତାର, ଅଢ଼େଇ କିଲୋର ଗନ ପାଉଡ଼ର, ପାଞ୍ଚ କିଲୋ ଆମୋନିଆ ନାଇଟ୍ରେଟ ପାଉଡ଼ର, ଗୋଟିଏ କିଲୋ ସଲଫର ପାଉଡ଼ର ସହ ଅନେକ ମାଓ ସାମଗ୍ରୀ ଜବତ ହୋଇଛି।
ବିଶେଷ ସୁତ୍ରରୁ ଖବର ପାଇ ସୁରକ୍ଷା କର୍ମୀ କରିଥିଲେ କମ୍ବିଂ ଅପରେସନ। ହେଲେ ଛତ୍ରଭଙ୍ଗ ଦେଇଥିଲେ ମାଓନେତା। ନିର୍ବାଚନ ସମୟରେ କିଛି ଅଘଟଣ ଘଟାଇ ପାରନ୍ତି ମାଓବାଦୀ ଯାହାକୁ ନଜର ରଖି ସୀମାବର୍ତ୍ତୀ ଅଞ୍ଚଳରେ ଉଭୟ ଝାଡ଼ଖଣ୍ଡ ଓ ଓଡିଶା ପୋଲିସରେ ହାଇ ଆଲର୍ଟ ଜାରି କରାଯାଇଛି।
