ମାଓବାଦୀଙ୍କ ବିରୋଧରେ ଲାଗିଲା ପୋଷ୍ଟର, ରାସ୍ତା କାମ ନେଇ ମାଓବାଦୀଙ୍କୁ ପ୍ରଶ୍ନ

କଲ୍ୟାଣସିଂହପୁର: ମାଓବାଦୀଙ୍କ ବିରୋଧରେ ଲାଗିଲା ପୋଷ୍ଟର । ଡଙ୍ଗରିଆ କନ୍ଧ ବିକାଶ ମଞ୍ଚ ପକ୍ଷରୁ ମାଓବାଦୀଙ୍କ ବିରୋଧରେ ୫ଟି ପୋଷ୍ଟର ଲାଗିଛି । ସେହିପରି କଲ୍ୟାଣସିଂହପୁରରେ ଗୋଟିଏ ପୋଷ୍ଟର ଲାଗିଥିବା ଦେଖିବାକୁ ମିଳିଛି ।

ନିୟମଗିରି ଅଞ୍ଚଳର ଉନ୍ନତି ପାଇଁ ରାସ୍ତାଘାଟ କେବେ ତିଆରି ହେବ । ନିୟମଗିରି ସୁରକ୍ଷା ସମିତି ନଁ।ରେ କେତେଦିନ ନୀରିହ ଡଙ୍ଗରିଆଙ୍କ ଉପରେ ଅତ୍ୟାଚାର ଚାଲୁରହିବ । ରାସ୍ତାକାମ ଠିକାଦାରଙ୍କ ଠାରୁ ଟଙ୍କା ନେବା କେବେ ବନ୍ଦ ହେବ ପୋଷ୍ଟରରେ ଉଲ୍ଲେଖ ରହିଛି ।

ଉନ୍ନତି କରୁଥିବା ଯୁବକମାନଙ୍କୁ ମାଓବାଦୀଙ୍କ ନାମରେ ମୃତ୍ୟୁର ଧମକଦେବା କେବେ ବନ୍ଦ ହେବ । ରାସ୍ତା କାର୍ଯ୍ୟରେ ଲାଗିଥିବା ଗାଡ଼ି ମୋଟର ପୋଡ଼ି ଦେବା ପାଇଁ ମାଓବାଦୀଙ୍କୁ କିଏ କହିଛି ।

ମାଓବାଦୀଙ୍କ କାର୍ଯ୍ୟକଳାପକୁ ନେଇ ନିୟମଗିରି ସୁରକ୍ଷା ସମିତି କିଛି କହୁନାହାନ୍ତି କାହିଁକି । ନିୟମଗିରି ସୁରକ୍ଷା ସମିତି କଣ ମାଓବାଦୀଙ୍କୁ ସାହାଯ୍ୟ କରୁଛି କିଏ ? ଏହି ଅଞ୍ଚଳର ଉନ୍ନତି ପାଇଁ ଡଙ୍ଗରିଆ ବିକାଶ ମଞ୍ଚକୁ ସାହାଯ୍ୟ କରନ୍ତୁ ବୋଲି ପୋଷ୍ଟରରେ ଉଲ୍ଲେଖ ରହିଛି ।