ବରମୁଣ୍ଡା ବସ୍ ଟର୍ମିନାଲକୁ ଯାଇ ଯାତ୍ରୀଙ୍କ ସୁବିଧା ଅସୁବିଧ ପଚାରିଲେ ବିଜେଡି ପ୍ରାର୍ଥୀ ମନ୍ମଥ ରାଉତରାୟ

ଭୁବନେଶ୍ବର: ବରମୁଣ୍ଡା ବାବା ସାହେବ ଆମ୍ବେଦକର ବସ ଟର୍ମିନାଳରେ ଭୁବନେଶ୍ବର ଲୋକସଭା ପ୍ରାର୍ଥୀ ମନ୍ମଥ ରାଉତରାୟ। ଭୁବନେଶ୍ବରରେ ୪୩ ଡିଗ୍ରୀ ଥିଲା ବେଳେ ମନ୍ମଥ ରାଉତରାୟ ବରମୁଣ୍ଡା ବସଷ୍ଟାଣ୍ଡରେ ପହଞ୍ଚି ଯାତ୍ରୀ ମାନଙ୍କ ଯିବା ଆସିବା ସମ୍ପର୍କରେ ପଚାରି ବୁଝିଛନ୍ତି। ବିକାଶର ଫର୍ଦ୍ଦରେ ବରମୁଣ୍ଡା ବସଷ୍ଟାଣ୍ଡ ନୂଆ ରୂପ ପାଇଥିଲା ବେଳେ ବିକଶିତ ବସଷ୍ଟାଣ୍ଡରେ ଲୋକମାନେ କିଭଳି ଯାତ୍ରା କରୁଛନ୍ତି ସେ ନେଇ ଲୋକଙ୍କ ସହ ଆଲୋଚନା ମଧ୍ୟ କରିଛନ୍ତି। ବସଷ୍ଟାଣ୍ଡ ଭିତରେ ଥିବା ଆହାର କେନ୍ଦ୍ରରେ ଆହାର ଖାଉଥିବା ଲୋକ ମାନଙ୍କ ସହ ଖାଦ୍ୟର ମାନ ନେଇ କଥା ହୋଇଥିଲେ। ଏହା ପରେ ବସଷ୍ଟାଣ୍ଡ ପରିସରରେ ଥିବା ମିଶନ ଶକ୍ତି କାଫେରୁ ଜିନିଷ କିଣି ଥିଲେ। ଭୁବନେଶ୍ଵରର ମେୟର ସୁଲୋଚନା ଦାସ ମଧ୍ୟ ଉପସ୍ଥିତ ରହି ଜନ ସାଧାରଣ ମାନଙ୍କ ସହ କଥା ହୋଇଛନ୍ତି।