ସଂସଦ ମୌସୁମୀ ଅଧିବେଶନର ଦ୍ବିତୀୟ ଦିନରେ ବି ମଣିପୁର ପ୍ରସଙ୍ଗରେ ତାତିବ ଗୃହ

ନୂଆଦିଲ୍ଲୀ: ଆଜି ସଂସଦ ମୌସୁମୀ ଅଧିବେଶନ ଦ୍ବିତୀୟ ଦିନ । ଆଜି ବି ମଣିପୁର ପ୍ରସଙ୍ଗରେ ତାତିବ ଗୃହ । ପ୍ରଥମ ଦିନରେ ବିରୋଧରେ ହଙ୍ଗାମାରେ ଶେଷ ହୋଇଥିବା ବେଳେ ଆଜି ବି ସରକାରଙ୍କୁ ଘେରିବାକୁ ପ୍ରସ୍ତୁତ ହୋଇଛି ରଣନୀତି । ମଣିପୁର ପ୍ରସଙ୍ଗରେ ଆଲୋଚନା ପାଇଁ ଗୃହରେ ମୁଲତବି ପ୍ରସ୍ତାବ ଦେଇଛନ୍ତି । କଂଗ୍ରେସ ସମେତ ବିଆରଏସ ଓ ଡିଏମକେ ପକ୍ଷରୁ ମଧ୍ୟ ନୋଟିସ ଦିଆଯାଇଛି । ଉଭୟ ଲୋକସଭା ଓ ରାଜ୍ୟସଭାରେ ବିରୋଧୀ ଦଳ ପକ୍ଷରୁ ଆଲୋଚନା ପାଇଁ ନୋଟିସ ଦିଆଯାଇଛି । କଂଗ୍ରେସ ଏମପି ପ୍ରମୋଦ ତିଓ୍ବାରୀ, ବିଆରଏମ ଏମପି କେଶବ ରାଓ, ଆପ୍ ସାଂସଦ ରାଘବ ଚଡ୍ଡା ରାଜ୍ୟସଭାରେ ମୁଲତବି ପ୍ରସ୍ତାବ ଦେଇଛନ୍ତି ।