ମଣିପୁରରେ ସେନାର ମିଳିତ ଅପରେସନକୁ ବଡ଼ ସଫଳତା

ନନ୍ଦିଘୋଷ ବ୍ୟୁରୋ: ମଣିପୁରରେ ସେନାର ମିଳିତ ଅପରେସନକୁ ବଡ଼ ସଫଳତା। ପଶ୍ଚିମ ଇମ୍ଫାଲ ସମେତ ବିଭିନ୍ନ ଜିଲ୍ଲାରେ ରେଡ୍ କରି ବିପୁଳ ଗୋଳାବାରୁଦ ଜବତ। ୪୨ ବନ୍ଧୁକ, ଗ୍ରେନେଡ ସହ ଅସ୍ତ୍ରଶସ୍ତ୍ର ଜବତ କରିଛି ସେନାର ଟିମ। ଯୁଦ୍ଧ ଲାଗି ପ୍ରସ୍ତୁତ ରଖିଥିବା ଉଗ୍ରବାଦୀଙ୍କ ଅସ୍ତାଗାରକୁ ଠାବ କରିବା ସହ ନଷ୍ଟ କଲେ ଯବାନ। ମଣିପୁରର ପଶ୍ଚିମ ଇମ୍ଫାଲ ସହ ଚନ୍ଦେଲ, ଥୌବାଲ, କାଙ୍ଗପୋକପି, ଚୁରାଚାନ୍ଦପୁର ଜିଲ୍ଲାର ବିଭିନ୍ନ ସ୍ଥାନରେ ରେଡ କରିଥିଲା ସେନାର ମିଳିତ ଟିମ। ଏଥିରେ ସେନାର ଯବାନଙ୍କ ସିଆରପିଏଫ, ମଣିପୁର ପୋଲିସ ଟିମ ସାମିଲ ଥିଲେ। କୋଞ୍ଚାକ ଅଂଛଳରୁ ଗୋଟିଏ କାରବାଇନ ମେସିନଗନ ସହ ଗୋଟିଏ ଥ୍ରୀନଟ ଥ୍ରୀ ରାଇଫଲ, ୨ଟି ପିସ୍ତଲ, ୩ଟି ସିଙ୍ଗଲ ବାରେଲ ରାଇଫଲ, ଗ୍ରେନେଡ ସହ ଅସ୍ତ୍ରଶସ୍ତ୍ର ଜବତ ହୋଇଥିଲା। ଏହାସହ ଆଇଇଡି ମଧ୍ୟ ଜବତ କରିଛି ସେନାର ମିଳିତ ଟିମ।