ଆମ୍ବ ଟାକୁଆ ଟ୍ରାଜେଡି: ଗ୍ରାଉଣ୍ଡ ଜିରୋରେ ରାଜ୍ଯ ଖାଦ୍ଯ କମିଶନ ଓ ୟୁନିସେଫର ଟିମ୍ ର ତଦନ୍ତ

କନ୍ଧମାଳ: କନ୍ଧମାଳ ମାଣ୍ଡିପଙ୍କା ଗାଁରେ ଆମ୍ବ ଟାକୁଆ ଜାଉ ଖାଇ ୩ ଜଣ ମହିଳାଙ୍କ ମୃତ୍ୟୁ ଘଟଣାର ତଦନ୍ତ ଜାରି ରହିଛି । ରାଜ୍ଯ ଖାଦ୍ଯ କମିଶନ ଓ ୟୁନିସେଫର ଟିମ୍ ଗ୍ରାଉଣ୍ଡ ଜିରୋରେ ପହଞ୍ଚି ତଦନ୍ତ କରିଛନ୍ତି । ତଦନ୍ତ ବେଳେ ୩ ମାସ ହେବ PDS ଚାଉଳ ନମିଳିବା ଯୋଗୁ ବାଧ୍ୟ ହୋଇ ଆମ୍ବ ଟାକୁଆ ଜାଉ ଖାଇଥିଲୁ ବୋଲି ଖାଦ୍ଯ କମିସନଙ୍କୁ କହିଥିଲେ ମୃତକଙ୍କ ପରିବାର ଲୋକ। ଆମ୍ବ ଟାକୁଆ ଜାଉ ଆଦିବାସୀ ଲୋକଙ୍କ ପାରମ୍ପରିକ ଖାଦ୍ୟ ବୋଲି ରାଜ୍ଯ ସରକାର କହୁଥିବା ବେଳେ ତାହାକୁ ଖଣ୍ଡନ କରିଛନ୍ତି ମାଣ୍ଡିପଙ୍କା ଗ୍ରାମବାସୀ।

ଅନ୍ୟପଟେ ଆଦିବାସୀ ମୁଖ୍ୟମନ୍ତ୍ରୀ ହୋଇ ମଧ୍ୟ ଆଦିବାସୀ ଲୋକଙ୍କ ଦୁଃଖ ଶୁଣୁନଥିବା ଅଭିଯୋଗ ହୋଇଛି। ଘଟଣାର ଦୀର୍ଘ ଦିନ ପରେ ମଧ୍ୟ ମୃତକଙ୍କ ପରିବାର ନିକଟରେ ମୁଖ୍ୟମନ୍ତ୍ରୀ କି ମନ୍ତ୍ରୀ କେହିବି ପହଞ୍ଚି ନଥିବାରୁ ଉଦବେଗ ପ୍ରକାଶ ପାଇଛି ।