କ୍ୟାମେରାମ୍ୟାନ୍ ମାନସ ସ୍ୱାଇଁ ହତ୍ୟା ମାମଲା, ୪ ପ୍ରତ୍ୟକ୍ଷଦର୍ଶୀଙ୍କର ହେଲା ବୟାନ ରେକର୍ଡ

ଭୁବନେଶ୍ୱର: କ୍ୟାମେରାମ୍ୟାନ୍ ମାନସ ସ୍ୱାଇଁ ହତ୍ୟା ମାମଲା । ୪ ପ୍ରତ୍ୟକ୍ଷଦର୍ଶୀଙ୍କର ହେଲା ବୟାନ ରେକର୍ଡ । ଚାନ୍ଦବାଲି ଜେଏମଏଫସି କୋର୍ଟରେ ସିଆରପିସି ୧୬୪ ଆଧାରରେ ବୟାନ ରେକର୍ଡ ହୋଇଛି । ପୂର୍ବରୁ ୩ ଜଣ ସାକ୍ଷୀଙ୍କ ବୟାନ ରେକର୍ଡ ହୋଇଛି । ସେହିପରି ମାନସଙ୍କୁ ଅପହରଣ କରିବାକୁ ଯାଇଥିବା ୫ ଅଭିଯୁକ୍ତଙ୍କ ଟିଆଇ ପରେଡ ହେବ । ଶର୍ମିଷ୍ଠା ରାଉତ, ରଞ୍ଜନ ନାୟକ, ଝୁନା ଭୋଇ, ବିବେକ ନାୟକ ଓ ଭାଗ୍ୟଧର ନାୟକଙ୍କୁ ଚିହ୍ନଟ କରିବେ ୩ ଜଣ ସାକ୍ଷୀ । ଅନ୍ୟପକ୍ଷରେ ପ୍ରମାଣ ନଷ୍ଟ କରିବା ପାଇଁ ଚଣ୍ଡିଖୋଲ ଯାଇଥିବା ବେଳେ ଟାଙ୍ଗି ଟୋଲ ଗେଟରେ ଥିବା ସିସିଟିଭିରେ ଫଟୋ କଏଦ ହୋଇଥିଲା ଶର୍ମିଷ୍ଠାଙ୍କ କାର । ଚଣ୍ଡିଖୋଲ ଜାରକାରେ ମାନସର ମୋବାଇଲକୁ ପିଙ୍ଗି ନଥିଲେ । ଅଭିଯୁକ୍ତମାନେ ମୋବାଇଲକୁ ଜାଣିଶୁଣି ଏକ ଚା’ ଦୋକାନରେ ଛାଡ଼ିଥିଲେ । ଏହା ସହ ଡିଲିଟେଡ ଫାଇଲ ରିକଭରି ପାଇଁ ଫରେନସିକ୍ ରିପୋର୍ଟକୁ ଅପେକ୍ଷା କରାଯାଇଛି । ମାମଲାରେ ବିବେକ ଓ ଭାଗ୍ୟଧରକୁ ଜେଲରେ ଜେରା ପାଇଁ କୋର୍ଟରେ କ୍ରାଇମବ୍ରାଞ୍ଚ କରିଛି ଆବେଦନ ।