ମାନସ ସ୍ୱାଇଁ ହତ୍ୟା ମାମଲା: ଆଜି ରିମାଣ୍ଡର ଦ୍ୱିତୀୟ ଦିନରେ ମୁହାଁମୁହିଁ ହେବେ ନିରଞ୍ଜନ ଓ ଶର୍ମିଷ୍ଠା

ଭୁବନେଶ୍ୱର: ସତ ଉଗାରୁଛି ଶର୍ମିଷ୍ଠା । କ୍ୟାମେରାମ୍ୟାନ ମାନସକୁ କାହିଁକି ହତ୍ୟା କଲା, ଗୋଟି ଗୋଟି କରି କ୍ରାଇମବ୍ରାଞ୍ଚ ଆଗରେ ବଖାଣୁଛି ଶର୍ମିଷ୍ଠା । ଆଜି ରିମାଣ୍ଡର ଦ୍ୱିତୀୟ ଦିନରେ ୪ ଅଭିଯୁକ୍ତ ମାଷ୍ଟରମାଇଣ୍ଡ ଶର୍ମିଷ୍ଠା ରାଉତ ଓ ଅନ୍ୟ ତିନି ଅଭିଯୁକ୍ତ ଝୁନା, ନିରଞ୍ଜନ ଓ ରଞ୍ଜନକୁ ମହାଁମୁହିଁ ଜେରା କରିବ କ୍ରାଇମବ୍ରାଞ୍ଚ । ଶର୍ମିଷ୍ଠା ଓ ନିରଞ୍ଜନକୁ ସାମ୍ନା ସାମ୍ନି ବସାଇ ସତ ଉଗାରିବ କ୍ରାଇମବ୍ରାଞ୍ଚ ।

କାହିଁକି କରିଥିଲେ ହତ୍ୟା? ହତ୍ୟା ପରେ ପ୍ରମାଣ ନଷ୍ଟ କରିବା ପାଇଁ କ’ଣ ଯୋଜନା କରିଥିଲ? ହତ୍ୟା ପଛରେ ଥିଲା କି ଚିପ୍‌ ଓ ଅଶ୍ଳୀଳ ଭିଡିଓ? କୁଆଡ଼େ ଗଲା ମେମୋରୀ ଚିପ୍‌? ମେମୋରି ଚିପରେ କ’ଣ ରହିଛି? ନିରଞ୍ଜନ ଓ ଶର୍ମିଷ୍ଠାଙ୍କ ମଧ୍ୟରେ କେମିତି ଥିଲା ସମ୍ପର୍କ? ଏମିତି କିଛି ପ୍ରଶ୍ନକୁ ନେଇ ଗୁଡେଇ ତୁଡେଇ ଜେରା ଚାଲିଛି । ଅନ୍ୟପକ୍ଷରେ ଅଭିଯୁକ୍ତଙ୍କୁ ନେଇ କ୍ରାଇମସିନ୍ ରିକ୍ରିଏସନ୍ କରିପାରେ କ୍ରାଇମବ୍ରାଞ୍ଚ । ତଦନ୍ତ ଦିଗହରା କରିବାକୁ ଉଦ୍ୟମ କରୁଥିବାରୁ ଅଭିଯୁକ୍ତଙ୍କ ଲାଏ ଡିଟେକ୍ସନ୍ ଟେଷ୍ଟ କରିବାକୁ ମଧ୍ୟ ଯୋଜନା କରିଛି କ୍ରାଇମବ୍ରାଞ୍ଚ ।