କିଡନୀ ଦେବାକୁ କହି ଲୁଟିନେଲେ ୧୨ ଲକ୍ଷ ଟଙ୍କା

କଟକ: କଟକରେ କିଡନୀ ଦେବାକୁ କହି ୧୨ ଲକ୍ଷ ଟଙ୍କା ଠକେଇ ଅଭିଯୋଗ । ଏନେଇ କଟକ ମଙ୍ଗଳାବାଗ ଥାନା ପୋଲିସ ମାମଲା ରୁଜୁ କରିଛି। ଜଣେ ଅତିରିକ୍ତ ଡିସିପି ଏହାର ତଦନ୍ତକୁ ଅନୁଧ୍ୟାନ କରିବେ। ଖବର ଅନୁଯାୟୀ, ଜଣେ ରୋଗୀଙ୍କୁ କିଡନୀ ଦେବାକୁ କହି ୧୨ ଲକ୍ଷ ଟଙ୍କା ଠକେଇ ଅଭିଯୋଗ ହୋଇଛି । ଠକେଇ ଅଭିଯୋଗରେ ଅଭିଯୁକ୍ତ ଓ ତାଙ୍କ ସ୍ୱାମୀଙ୍କୁ ପୋଲିସ ଅଟକ ରଖିଛି । କିଡନୀ ଦାନ ପାଇଁ ରହିଥିବା ନିୟମ ପାଳନ କରାଯାଇଛି କି ନାହିଁ, ତାହା ଅନୁଧ୍ୟାନ କରାଯାଉଥିବା କଟକ ଡିସିପି ପିନାକି ମିଶ୍ର କହିଛନ୍ତି । ଗତକାଲି କିଡନୀ ଦେବା ନାଁରେ ଟଙ୍କା ଠକିବା ଅଭିଯୋଗରେ ରାଣୀହାଟ ଅଞ୍ଚଳରେ ଜଣେ ବ୍ୟକ୍ତିଙ୍କୁ ଅଟକ ରଖିଥିଲେ ସ୍ଥାନୀୟ ବାସିନ୍ଦା।

ସୂଚନା ଅନୁଯାୟୀ, କେନ୍ଦୁଝର ଅଞ୍ଚଳର ଜଣେ ରୋଗୀଙ୍କୁ କୀଡନୀ ଦେବାକୁ କହିଥିଲେ ଅନୁଗୁଳ ଜିଲ୍ଲାର ମାର୍କଣ୍ଡ ନାଥ ନାମକ ବ୍ୟକ୍ତି । କେନ୍ଦୁଝର ଜିଲ୍ଲାର କୁଟୁଲ ମାଝୀଙ୍କ ଦୁଇଟି କିଡନୀ ଖରାପ ହେବା ପରେ ମାର୍କଣ୍ଡ ତାଙ୍କ ପତ୍ନୀଙ୍କ କିଡନୀ ଦେବା ପାଇଁ କହିଥିଲେ। ଏହା ପରେ କୁଟୁଲଙ୍କ ଠାରୁ ମାର୍କଣ୍ଡ ୯ ଲକ୍ଷ ୫୦ ହଜାର ଟଙ୍କା ଓ ଅତିରିକ୍ତ ୩ ଲକ୍ଷ ଟଙ୍କା ନେଇଥିଲେ। ଏହାପରେ ଧରା ଛୁଆଁ ଦେଇନଥିଲେ । ଗତକାଲି କୁଟୁଲ ଓ ତାଙ୍କର ପତ୍ନୀ ସ୍ଥାନୀୟ ଯୁବକଙ୍କ ସହାୟତାରେ ମାର୍କଣ୍ଡ ଓ ତାଙ୍କର ପତ୍ନୀଙ୍କୁ ଅଟକ ରଖିଥିଲେ।