ପତ୍ନୀଙ୍କ ମୃତଦେହ ସହ ୫୦୦ କିମି ରେଳଯାତ୍ରା, ସହଯାତ୍ରୀ ଭାବିଲେ ଶୋଇଛନ୍ତି

ଲୁଧିଆନା: ପତ୍ନୀଙ୍କ ମୃତଦେହ ସହ ୫୦୦ କିଲୋମିଟର ରେଳ ଯାତ୍ରା କଲେ ପତି  । ସହଯାତ୍ରୀ ମାନେ ରେଳବାଇ ପୋଲିସରେ ଅଭିଯୋଗ କରିବା ପରେ ତୁରନ୍ତ ମହିଳାଙ୍କ ମୃତଦେହକୁ ଟ୍ରେନରୁ ଓହ୍ଲାଇ ଦିଆଯାଇଛି  । ପଞ୍ଜାବର ଲୁଧିଆନାରୁ ବିହାର ଯାଉଥିବା ଏକ୍ସପ୍ରେସ ଟ୍ରେନରେ ଏଭଳି ଅଦ୍ଭୁଦ ଘଟଣା ଦେଖିବାକୁ ମିଳିଛି । ମୃତଦେହ ସହ ପ୍ରାୟ ୫୦୦ କିଲୋମିଟର ଯାତ୍ରା କରିଛନ୍ତି ତାଙ୍କ ସ୍ବାମୀ  । ଏହି ଘଟଣା ଜଣାପଡିବା ପରେ ଉତ୍ତର ପ୍ରଦେଶର ଶାହଜାହାନପୁରରେ ରେଳବାଇ ଓ ଜିଆରପି ପୋଲିସ ମହିଳାଙ୍କ ମୃତଦେହକୁ ଉଦ୍ଧାର କରିଛି ।

ଟ୍ରେନରେ ଯାତ୍ରା କରୁଥିବା ସମୟରେ ହି ମହିଳା ଜଣଙ୍କ ହୃଦଘାତରେ ପ୍ରାଣ ହରାଇଥିଲେ । ଯାହା ପରେ ମୃତକଙ୍କ ପତି ତାଙ୍କ ଶବ ସହ ଟ୍ରେନରେ ଯାତ୍ରା କରିଥିଲେ  । ମୋରଧ୍ବଜ ଏକ୍ସପ୍ରେସରେ ନବୀନ କୁମାର ଲୁଧାଆନାରୁ ବିହାରର ଔରଙ୍ଗାବାଦ ଯାତ୍ରା କରୁଥିଲେ  । କିନ୍ତୁ ଅଧାରାସ୍ତାରେ ପତ୍ନୀ ଉର୍ମିଳା ହୃଦଘାତରେ ପ୍ରାଣ ହରାଇଥିଲେ  । ଅଘଟଣ ପରେ ସହଯାତ୍ରୀଙ୍କୁ ଏ ସମ୍ବନ୍ଧରେ କୌଣସି ସୂଚନା ଦେଇ ନଥିଲେ ନବୀନ କୁମାର  । ବରଂ ପତ୍ନୀଙ୍କ ଶବ ସହ ୫୦୦ କିଲୋମିଟର ସେ ଟ୍ରେନରେ ଯାତ୍ରା କରିଥିଲେ ।

ସହଯାତ୍ରୀଙ୍କୁ ସନ୍ଦେହ ହେବାରୁ ସେମାନେ ରେଳବାଇ ପୋଲିସକୁ ଖବର ଦେଇଥିଲେ । ମହିଳାଙ୍କ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇ ଦିଆଯାଇଛି । ତେବେ ବହୁ ସମୟରୁ ମହିଳାଙ୍କ ମୃତ୍ୟୁ ହୋଇଥିବା ଡାକ୍ତର ମାନେ ପ୍ରାଥମିକ ତଦନ୍ତରୁ ଜାଣିବାକୁ ପାଇଛନ୍ତି  । ପୋଲିସ ଘଟଣାର ତଦନ୍ତ କରିବା ସହ ମୃତକଙ୍କ ପତିଙ୍କୁ ପଚରାଉଚୁରା ଜାରି ରଖିଛି ।