ବାଲେଶ୍ବରରେ ଗର୍ଜିଲା ଗୁଳି, ଗାଡି ପାର୍କିଂକୁ ନେଇ ଗୁଳିମାଡ

ବାଲେଶ୍ବର: ସାମାନ୍ୟ କଥାକୁ ନେଇ ସାଙ୍ଘାତିକ ଘଟଣା । ବାଲେଶ୍ବର ଫକୀର ମୋହନ କଲେଜରେ ନିଯୁକ୍ତ ଥିବା ଜଣେ ପ୍ରଫେସର ବ୍ୟବସାୟୀଙ୍କୁ ଗୁଳି ମାଡ କରିଛନ୍ତି । ଗୁଳିମାଡ଼ରେ ବ୍ୟବସାୟୀ ଆହତ ହୋଇଥିବା ବେଳେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।

କିନ୍ତୁ କାହିଁକି ଏବଂ କଣ ପାଇଁ ଗୁଳିମାଡ ହୋଇଛି, ତାହା ଉପସ୍ଥିତ ସାଧାରଣ ଲୋକଙ୍କୁ ଚକିତ କରିଥିଲା । ପୂର୍ବ ଶତ୍ରତା କିମ୍ବା ପାରିବାରିକ କଳହ ଆଦି ଅନେକ ପ୍ରସଙ୍ଗ ଚର୍ଚ୍ଚା ଚାଲିଥିବାବେଳେ ଗୁଳିମାଡ ପଛରେ ଥିବା ସତ୍ୟ ସମସ୍ତଙ୍କୁ ଚକିତ କରିଥିଲା ।

ମିଳିଥିବା ସୂଚନା ମୁତାବକ ଗାଡ଼ି ପାର୍କିଂକୁ ନେଇ ପ୍ରଫେସର ଗୁଳିମାଡ଼ କରିଛନ୍ତି । ବାଲେଶ୍ବର ଏଫଏମ କଲେଜ ନିକଟ ଗଡ଼ଗଡ଼ିଆ ଛକ ଆପାର୍ଟମେଣ୍ଟ ପାଖରେ ଏହି ଗୁଳିମାଡ଼ ହୋଇଥିବା ଜଣାପଡିଛି । ସେପଟେ ଗୁଳିମା଼ରେ ଆହତ ହୋଇଥିବା ବ୍ୟକ୍ତିଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଥିଲା ବେଳେ ଗୁଳିମାଡ କରିଥିବା ପ୍ରଫେସରଙ୍କୁ ଅଟକ ରଖିଛି ପୋଲିସ ।