ପୁଣି ଭାଇରାଲ ହେଲା କାଚା ବାଦାମ, ମନମୁଗ୍ଧ କଲା ବଂଶୀ ଭର୍ସନ

ଭୁବନେଶ୍ବର: କିଛି ଦିନ ତଳେ ଖୁବ୍ ଭାଇରାଲ ହୋଇଥିଲା କାଚା ବାଦାମ ଗୀତ । ଏହି ଗୀତରେ ସୋସିଆଲ ମିଡିଆ ୟୁଜର୍ ଖୁବ୍ ରିଲ୍ସ କରି ମଜା ନେଇଥିଲେ । ପ୍ରତି ଫେନରେ ଥିଲା କାଚା ବାଦାମ ଗୀତର ରିଲ୍ସ । ପଶ୍ଚିମବଙ୍ଗର ଏକ ବାଦାମ ବିକାଳୀଙ୍କ ମୁହଁରୁ ବାହାରିଥିବା ଗୀତ ମାତ୍ର କିଛି ସମୟରେ ସାରା ଭାରତରେ ଭାଇରାଲ ହୋଇଯାଇଥିଲା ।

ଭୂବନ ବାଦ୍ୟକାରଙ୍କୁ ବିଲକୁଲ ଜଣା ବି ନଥିଲା ଯେ, ବାଦାମ ବିକ୍ରି ପାଇଁ ସେ ଗାଉଥିବା ଗୀତ ମାତ୍ର କେଇ ମିନିଟରେ ଭାଇରାଲ ହୋଇଯିବ । ଆମେ ଏବେ ତାଙ୍କ କଥା ଏଥିପାଇଁ କହୁଛୁ ଯେ, ଏବେ ପୁଣି କାଚା ବାଦାମ ଗୀତ ଭାଇରାଲ ହୋଇଛି । ଆଉ ଏହା ପଶ୍ଚିମବଙ୍ଗରେ ନ ହୋଇ ଆମ ରାଜ୍ୟରେ ହୋଇଥିବା ଜଣା ପଡ଼ିଛି ।

#kachabadam fever hits #Puri #Odisha
Flute artist playing Bengal’s recent popular tune in front of #JagannathTemple #Puri pic.twitter.com/4XIlLmxQ0t

— Suryagni (@Suryavachan) June 20, 2022

ପୁରୀର ଜଣେ ବଂଶୀ ବାଦକ କାଚା ବାଦାମ ଗୀତରେ ବଂଶୀ ବଜାଉଛନ୍ତି । ଆଉ ଏହି ଗୀତ ଶୁଣିବାକୁ ବି ବହୁତ ଭଲ ଲାଗୁଛି । ଭାଇରାଲ ହେଉଥିବା ଏହି ଭିଡିଓରେ ପୁରୀର ଜଣେ ବ୍ୟକ୍ତି ନିଜ ବଂଶୀ ପ୍ରତି ଗ୍ରାହକଙ୍କୁ ଆକୃଷ୍ଟ କରିବାପାଇଁ କାଚା ବାଦାମ ଗୀତରେ ବଂଶୀ ବଜାଉଛନ୍ତି ।

ଏହି ଭିଡିଓକୁ ଜଣେ ଟ୍ବିଟର ୟୁଜର ତାଙ୍କ ପେଜରେ ପୋଷ୍ଟ କରିଛନ୍ତି । ଏହି ଧୁନ୍ ଶୁଣିବା ପରେ ଅନେକ ୟୁଜରଙ୍କର ମନମୁଗ୍ଧ ହୋଇଯାଇଛି । ଭିଡିଓ ଦେଖି ସାରିବା ପରେ ବଂଶୀ ବାଦକଙ୍କୁ ଖୁବ୍ ପ୍ରଶଂସା ମିଳିଛି ।