ମଦ ନିଶାରେ ବନ୍ଧୁକୁ ଟାଙ୍ଗିଆରେ ହାଣିି ହତ୍ୟା କଲା ବନ୍ଧୁ

ଦେବଗଡ଼: ମଦ ନିଶାରେ ବନ୍ଧୁକୁ ହତ୍ୟା କଲା ବନ୍ଧୁ । ସାମାନ୍ୟ ବଚସାରୁ ବନ୍ଧୁ ସାଜିଲା ହତ୍ୟାକାରୀ। ଦେବଗଡ଼ କୁଣ୍ଢେଇଗୋଳା ଗୋହିଡା ଗାଁରେ ଦେଖିବାକୁ ମିଳିଛି ଏଭଳି ଘଟଣା । ଗତରାତିରେ ଗୋହିଡା ଗାଁର ରଞ୍ଜିତ ନାଏକ ଓ ପ୍ରଭାତ କୁମୁରା ଅତ୍ୟଧିକ ନିଶା ସେବନ କରି ପାଟିତୁଣ୍ଡ କରୁଥିବା ବେଳେ, ଉଭୟଙ୍କ ମଧ୍ୟରେ ବଚସା ହୋଇଥିଲା। ପରେ ଦୁହେଁ ନିଜ ନିଜ ଘରକୁ ଚାଲି ଯାଇଥିଲେ। ପୁଣି ରାତି ସାଢେ ୧୦ଟାରେ ପ୍ରଭାତ ରଞ୍ଜିତଙ୍କୁ ଟାଙ୍ଗିଆରେ ହାଣିଥିବା ଅଭିଯୋଗ ହୋଇଛି ।

ଘଟଣାସ୍ଥଳରେ ରଞ୍ଜିତଙ୍କର ମୃତ୍ୟୁ ହୋଇଥିବା ବେଳେ ହତ୍ୟାକାରୀ ପ୍ରଭାତ ଫେରାର ହୋଇଯାଇଥିଲା । ଖବର ପାଇ ଖଇରପାଲି ପୋଲିସ ପହଞ୍ଚି ମୃତଦେହ ଜବତ କରିବା ସହ ଅଭିଯୁକ୍ତ ପ୍ରଭାତକୁ ଗାଁ ନିକଟରୁ କାବୁ କରିଛି। ହତ୍ୟାକାଣ୍ଡରେ ବ୍ୟବହୃତ ଟାଙ୍ଗିଆ ମଧ୍ୟ ଜବତ ହୋଇଛି। ଆଜି ଏସଡିପିଓ, କୁଣ୍ଢେଇଗୋଳା ଥାନା ପୋଲିସ ଓ ସାଇଣ୍ଟିଫିକ ଟିମ୍ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।