ଡ୍ରଗ୍ସ କାରବାରକୁ ନେଇ ଜଘନ୍ୟ ହତ୍ୟା, ଖଣ୍ଡ ଖଣ୍ଡ କରି କାଟି ବସ୍ତାରେ ଫିଙ୍ଗିଦେଲେ
ଜଗତସିଂହପୁର: ଜଗତସିଂହପୁରରେ ଚାଞ୍ଚଲ୍ୟ । ମାଛଙ୍ଗା କେନାଲ କଡ଼ରୁ ଖଣ୍ଡ ବିଖଣ୍ଡିତ ମୃତଦେହ ମିଳିଛି । ଶରୀରକୁ ଖଣ୍ଡ ଖଣ୍ଡ କରି କାଟି ବସ୍ତାରେ ମୃତଦେହ ଫିଙ୍ଗି ଦିଆଯାଇଥିଲା । ମିଳିଥିବା ଖଣ୍ଡବିଖଣ୍ଡିତ ମୃତଦେହଟି ନିଖୋଜ ବଡ଼ବାଗ ଗାଁର ରାମ ସାହୁଙ୍କର ବୋଲି ଜଣାପଡ଼ିଛି । ଘଟଣାସ୍ଥଳରୁ ବାଇକ୍ ସହ ଚପଲ ଜବତ କରିଛି ପୋଲିସ ।
ଘଟଣାରେ ପୋଲିସ ୩ ଜଣଙ୍କୁ ଗିରଫ କରିଛି । ଗିରଫ ମାନେ ହେଲେ କେସବ ବେହେରା, ସ୍ତ୍ରୀ ରୀନା ବେହେରା ଓ ପର୍ଶୁରାମ ବେହେରା । ବ୍ରାଉନସୁଗାର କାରବାରକୁ ନେଇ ଗିରଫ ଅଭିଯୁକ୍ତ ମାନଙ୍କ ସହ ରାମଙ୍କ ବଚସା ହୋଇଥିଲା । ପରେ ତିନି ଅଭିଯୁକ୍ତ ରାମଙ୍କୁ ହତ୍ୟା ପରେ ଟିକି ଟିକି କରି ବସ୍ତାରେ ବାନ୍ଧି କେନାଲରେ ଫିଙ୍ଗି ଦେଇଥିଲେ ।
ଗତ ୧୭ ତାରିଖରେ କେସବଙ୍କ ନିର୍ମାଣଧୀନ ଘରେ ଭୋଜି ଚାଲିଥିବା ବେଳେ ରାମଙ୍କ ସହିତ ପ୍ରବଳ ପାଟିତୁଣ୍ଡ ହୋଇଥିଲା । ମୃତ ରାମଙ୍କ ଖଣ୍ଡ ବିଖଣ୍ଡିତ ଶରୀର ଠାବ ପରେ ବ୍ୟବଚ୍ଛେଦ ପାଇଁ କଟକ ବଡ଼ ମେଡିକାଲକୁ ପଠାଇଛି ପୋଲିସ ।
