କାର ସହ କେନାଲକୁ ଡେଇଁଲେ ପରିବାର, ପତ୍ନୀଙ୍କ ବିରୋଧରେ ଆଣିଲେ ସାଙ୍ଘାତିକ ଅଭିଯୋଗ

ଚଣ୍ଡିଗଡ: ପଞ୍ଜାବରେ ସୁଇସାଇଡର ହୃଦୟ ବିଦାରକ ଚିତ୍ର ସାମନାକୁ ଆସିଛି । ଫିରୋଜପୁର ଜିଲ୍ଲାରେ ଜସବିନ୍ଦର ସିଂ ନାମକ ବ୍ୟକ୍ତି ଝିଅ, ପୁତୁରା ଓ ଭାଇଙ୍କୁ କାରରେ ନେଇ କେନାଲକୁ ଡେଇଁଛନ୍ତି । ଘଟଣାସ୍ଥଳରେ ୪ ଜଣ ପ୍ରାଣ ହରାଇଛନ୍ତି । ପୋଲିସ ଘଟଣାସ୍ଥଳରୁ ୪ ଜଣଙ୍କ ମୃତଦେହ ଜବତ କରିବା ସହ କେନାଲରୁ କାରଟି ଉଦ୍ଧାର କରିଛି । ତେବେ ମୃତ୍ୟୁ ପୂର୍ବରୁ ତାଙ୍କର ଏକ ଭିଡିଓ ଭାଇରାଲ ହୋଇଛି । ଗାଡି ଚଲାଇବା ସମୟରେ ସେ କାନ୍ଦି କାନ୍ଦି ପତ୍ନୀଙ୍କୁ ଗାଳି କରୁଥିବା ଦେଖିବାକୁ ମିଳିଛି ।

ପତ୍ନୀଙ୍କ ଅବୈଧ ସମ୍ପର୍କକୁ ନେଇ ବ୍ୟକ୍ତି ଜଣଙ୍କ ଭିଡିଓରେ ବାରମ୍ବାର ଅଭିଯୋଗ କରୁଛନ୍ତି । ପତ୍ନୀଙ୍କ ଏଭଳି ସମ୍ପର୍କକୁ ବି ତାଙ୍କ ମା ଓ ଭଉଣୀ ପ୍ରୋତ୍ସାହନ ଦେଉଥିବା ସେ କହିଛନ୍ତି । ଜସବିନ୍ଦରଙ୍କ ସହ ଗାଡିରେ ବସିଥିବା ଝିଅ ଓ ପୁତୁରା ବି ବଞ୍ଚିବାକୁ ଚାହୁଁନଥିବା କହୁଥିବା ଦେଖିବାକୁ ମିଳିଛି ।

ଜସବିନ୍ଦରଙ୍କ ପତ୍ନୀ କାଲା ସିନ୍ଧୁ ନାମକ ବ୍ୟକ୍ତିଙ୍କ ସହ ଦୀର୍ଘ ତିନି ବର୍ଷ ଧରି ଆସୁଛନ୍ତି । ସବୁବେଳେ ସୌଖୀନ ଜୀବନ ବିତାଇବାକୁ ପସନ୍ଦ କରୁଥିବା ତାଙ୍କ ପତ୍ନୀ ସେଥିପାଇଁ କାଲା ସିନ୍ଧୁ ଠାରୁ ଦାମୀ ଉପହାର ମଧ୍ୟ ଗ୍ରହଣ କରୁଥିଲେ । ଯେଉଁଥିପାଇଁ ଦୀର୍ଘ ଦିନ ସମ୍ପର୍କରେ ରହିବା ପରେ ସେ ପିଲାଛୁଆ ଓ ପରିବାରକୁ ଛାଡି କାଲା ସିନ୍ଧୁ ପାଖକୁ ଚାଲି ଯାଇଥିଲେ ।