ଜଳେଶ୍ୱର: ବଢ଼ୁଛି ଶିକ୍ଷା ହେଲେ ବଦଳୁନି ମାନସିକତା। ମଣିଷ ଯେତେ ଆଗକୁ ଗଲେ ମଧ୍ୟ ଘୃଣ୍ୟ ମାନସିକତା ସହ ଛନ୍ଦି ହୋଇ ରହୁଛି। ଯାହାଉ ଉଦାହରଣ ବାଲେଶ୍ୱର ଜଳେଶ୍ୱର ଥାନା ପଶ୍ଚିମବାଡ଼ ଗାଁରେ ଦେଖିବାକୁ ମିଳିଛି। ନାବାଳକକୁ କାଙ୍ଗାରୁ କୋର୍ଟରେ ସଜା ଦେଇଥିବା ଅଭିଯୋଗ ହୋଇଛି। ନୃଶଂଶତାର ସବୁ ସୀମା ଟପିଛନ୍ତି ଲୋକେ। ମାଛ ଦୋକାନରେ ମାଲିକଙ୍କୁ ନଜଣାଇ ମାଛ ବିକ୍ରି କରିବାରୁ ନାବାଳକଙ୍କୁ ନିର୍ଦ୍ଧୁ ମାଡ଼ ମାରିଛନ୍ତି।
୧୩ ବର୍ଷର ନାବଳକକୁ ମରଣାନ୍ତକ ଆକ୍ରମଣ କରାଯାଇଥିବା ଅଭିଯୋଗ ହୋଇଛି। ଗୁରୁତର ଅବସ୍ଥାରେ ନାକରିବା ଜଳେଶ୍ୱର ହସ୍ପିଟାଲରେ ଚିକିତ୍ସିତ ହେଉଛନ୍ତି। ସୂଚନା ଅନୁସାରେ ପଶ୍ଚିମବାଡ଼ ଗାଁର ସେକ ଅବୁଲ, ଲାଦ ଓ ମିନା ବିବି ବସ୍ତି ମଧ୍ୟରେ ଏକ ଗଛରେ ବାନ୍ଧି ନାବାଳକଙ୍କୁ ନିସ୍ତୁକ ପିଟିଥିବା ଅଭିଯୋଗ ହୋଇଛି। ଗୋଇଠା ବିଧା ମାରିବା ସହ ଚୁଟି କାଟି ଅଧା ଲଣ୍ଡା କରିଦେଇଥିଲେ।
ସଙ୍ଗେ ସଙ୍ଗେ ନାବାଳକଙ୍କ ମା ଓ ଗ୍ରାମବାସୀ ମିଶି ନାବାଳକଙ୍କୁ ମେଡିକାଲରେ ଭର୍ତ୍ତି କିରଛନ୍ତି। ଏ ନେଇ ନାବାଳକର ଜଳେଶ୍ୱର ଥାନାରେ ଲିଖିତ ଅଭିଯୋଗ ହୋଇଛି। ମାତ୍ର ଏପର୍ଯ୍ୟନ୍ତ ସମ୍ପୃକ୍ତ ବ୍ୟକ୍ତି ମାନଙ୍କ ନାଁରେ କୋଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ ।
