୧୨୦ ମହିଳାଙ୍କୁ ନିଜ ଅଶ୍ଳୀଳ ଫଟୋ ପଠାଇଲେ ୫୪ ବର୍ଷୀୟ ବ୍ୟକ୍ତି, ଭୋଗିଲେ ଏମିତି !

କର୍ଣ୍ଣାଟକା: ଶୁକ୍ରବାର ଦିନ କର୍ଣ୍ଣାଟକ ପୋଲିସ ଜଣେ ୫୪ ବର୍ଷୀୟ ବ୍ୟକ୍ତିଙ୍କୁ ଗିରଫ କରିଛି । ଅଭିଯୋଗ ରହିଛି ଯେ ଉକ୍ତ ବ୍ୟକ୍ତି ଜଣଙ୍କ ୬ ମାସ ମଧ୍ୟରେ ୧୨୦ ମହିଳା ସମେତ ୨୦୦ରୁ ଅଧିକ ବ୍ୟକ୍ତିଙ୍କୁ ନିଜ ଅଶ୍ଳୀଳ ଫଟୋ ପଠାଇଛନ୍ତି ।

ଚିତ୍ରଦୁର୍ଗର ଚଲ୍ଲକେରେରେ ବାସ କରୁଥିବା ୫୪ ବର୍ଷିୟ ରାମକୃଷ୍ଣ, କଥିତ ରୂପରେ ୬ ମାସ ଭିତରେ ୧୨୦ ମହିଳାଙ୍କ ସମେତ ୨୦୦ ଜଣ ବ୍ୟକ୍ତିଙ୍କୁ ନିଜର ଅଶ୍ଳୀଳ ଫଟୋ ପଠାଇଛି । ଏକ ସପ୍ତାହ ପୂର୍ବରୁ କିଛି ଲୋକ ପୋଲିସରେ ଅଭିଯୋଗ କରିଥିଲେ ଯେ, ତାଙ୍କୁ ଏକ ଅଜଣା ନମ୍ବରରୁ ଅଶ୍ଳୀଳ ଫଟୋ ପଠାଯାଉଛି । ‘ଦ ନ୍ୟୁଜ ମିନଟ’ର ଏକ ରିପୋର୍ଟ ମୂତାବକ ପୋଲିସ ସୂଚନା ଦେଇଛି ଯେ, ମିଳିଥିବା ତଥ୍ୟ ଆଧାରରେ ରାମକୃଷ୍ଣଙ୍କୁ ଖୋଜାଖୋଜି ଚାଲିଛି । ରାମକୃଷ୍ଣଙ୍କ ମୋବାଇଲ ଫୋନକୁ ଟ୍ରାକ କରାଯାଇଥିଲା ଏବଂ ଶୁକ୍ରବାର ଦିନ ତାଙ୍କୁ ଚଲ୍ଲକେରେ ସ୍ଥିତ ତାଙ୍କ ବାସଭବନରୁ ଗିରଫ କରାଯାଇଛି ।

ପୋଲିସ ତାଙ୍କୁ ଗିରଫ କରିବା ପରେ ରାମକୃଷ୍ଣ ଅଶ୍ଳୀଳ ଫଟୋ ପଠାଇବା ଅଭିଯୋଗକୁ ସ୍ୱୀକାର କରିଛନ୍ତି । ପୋଲିସ ସୂଚନା ଅନୁଯାୟୀ, ରାମକୃଷ୍ଣ ସେହି ନମ୍ବରକୁ ମଧ୍ୟ ଫଟୋ ପଠାଇଥିଲେ ଯାହାଙ୍କୁ ସେ ଚିହ୍ନି ନଥିଲେ । ଚଲ୍ଲକେରେର ପ୍ରାୟ ୫୦ ମହିଳାଙ୍କ ପାଖକୁ ମଧ୍ୟ ସେ ,ସେହି ଫୋଟ ପଠାଇଥିଲେ ।  କେବଳ ସେତିକି ନୁହେଁ କିଛି ମହିଳାଙ୍କୁ ମଧ୍ୟ ସେ ଫଟୋ ପଠାଇବାକୁ କହୁଥିଲେ । ବର୍ତ୍ତମାନ ରାମକୃଷ୍ଣଙ୍କୁ ଗିରଫ କରି ଚିତ୍ରଦୁର୍ଗର ମାଜିଷ୍ଟ୍ରେଟଙ୍କ ସମ୍ମୁଖରେ ହାଜର କରାଯାଇଛି । ଏହା ପରେ ୧୪ ଦିନର ନାୟିକ ହେପାଜତରେ ପଠାଯାଇଛି ।

Leave a Reply

Your email address will not be published.