ପୂର୍ବତନ ମୁଖ୍ୟମନ୍ତ୍ରୀଙ୍କ ସଭାରେ ଛୁରୀ ଧରି ମଞ୍ଚରେ ଚଢ଼ିଲେ ଯୁବକ

ଡେରାଡୁନ: ଗୁରୁବାର ଏକ ସଭାରେ ଯୋଗ ଦେବାକୁ ଯାଇଥିଲ ଉତ୍ତରାଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହରିଶ ରାଓ୍ୱତ । ତେବେ ଏହି ସଭାର ଜଣେ ଯୁବକ ଛୁରୀ ଧରି ମଞ୍ଚ ଉପରକୁ ଆସିଥିଲେ । ତେବେ ଏହି ଘଟଣାରେ ଉତ୍ତରାଖଣ୍ଡ ପୋଲିସ ୪୫ ବର୍ଷର ଜଣେ ବ୍ୟକ୍ତିଙ୍କୁ ଗିରଫ କରିଛି ।

ସୂଚନା ଅନୁସାରେ ଗୁରୁବାର ସନ୍ଧ୍ୟାରେ ଉଦମ ସିଂ ନଗର ଜିଲ୍ଲାର କାଶୀପୁରରେ କଂଗ୍ରେସ ସଦସ୍ୟତା ଅଭିଯାନ ଆୟୋଜିତ କରିଥିଲା । ଏହି କାର୍ଯ୍ୟକ୍ରମରେ ଉତ୍ତରାଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହରିଶ ରାଓ୍ୱତ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ । ଏହି ସଭାକୁ ହରିଶ ରାଓ୍ୱତ ସମ୍ବୋଧନ କରି ତଳକୁ ଓହ୍ଲାଇବା ସମୟରେ ହଠାତ ଜଣେ ଯୁବକ ମଞ୍ଚ ଉପରକୁ ଉଠି ଯାଇଥିଲା । ମଞ୍ଚ ଉପରକୁ ଉଠି ଏହି ଯୁବକ ଜଣଙ୍କ ମାଇକରେ ଜୟ ଶ୍ରୀରାମ ନାରା ଦେଇଥିଲା । ତେବେ ଏହି ଯୁବକଙ୍କ କାର୍ଯ୍ୟକଳାପ ଦେଖି କଂଗ୍ରେସ କର୍ମୀ ତାଙ୍କୁ ବିରୋଧ କରିଥିଲେ । ତାଙ୍କୁ ବିରୋଧ କରିବାରୁ ସେ ହଠାତ ତାଙ୍କ ପାଖରେ ଲୁଚାଇ ରଖିଥିବା ଛୁରୀ ବାହାର କରି ସମସ୍ତଙ୍କୁ ଭୟଭୀତ କରିବାକୁ ଲାଗିଲେ । ଏହା ପରେ ମଞ୍ଚରେ ଉପସ୍ଥିତ ଥିବା ଲୋକମାନେ ତାଙ୍କୁ ଅଟକାଇ ପୋଲିସକୁ ହସ୍ତାନ୍ତର କରିଥିଲେ। ତେବେ ଏହି ଘଟଣାର ପ୍ରାରମ୍ଭିକ ସୂଚନା ଅନୁସାରେ ଏହି ଯୁବକ ଜଣଙ୍କ ମାନିସକ ସ୍ତରରେ ଅସ୍ଥିର ଥିବା ଜଣାପଡ଼ିଛି ।