ଆଖିରେ ଛଳ ଛଳ ଲୁହ, ହାତ ଯୋଡ଼ି ଅଭିଯୁକ୍ତକୁ ଫାଶୀ ପାଇଁ ଗୁହାରି କଲେ ମମିତାଙ୍କ ବାପା

ଭୁବନେଶ୍ୱର: ଗୋଟିଏ ବାପାର କୋହଭରା କଣ୍ଠରେ ଅଭିଯୁକ୍ତକୁ ଫାଶୀ ପାଇଁ ଦାବି। ଗଣମାଧ୍ୟମ ଆଗରେ ହାତଯୋଡ଼ି ମୋ ଝିଅକୁ ଅଜଥାରେ ବଦନାମ ନ କରିବା ପାଇଁ ଗୁହାରି। ମମିତା ମେହେର ହତ୍ୟା ମାମଲାରେ ଅଭିଯୁକ୍ତ ଗୋବିନ୍ଦ ସାହୁକୁ ଫାଶୀ ଦିଆଯାଉ ବୋଲି ଗୁହାରି କରିଛନ୍ତି ମମିତାଙ୍କ ବୁଢ଼ା ବାପା। ଆଖିରେ ଛଳ ଛଳ ଲୁହ ଏବଂ ହାତ ଯୋଡ଼ି ନ୍ୟାୟ ପାଇଁ ଗୁହାରୀ।

ଅଭିଯୁକ୍ତକୁ ପୋଲିସ ଗିରଫ କରିଥିବା ବେଳେ, ତଦନ୍ତ ପ୍ରକ୍ରିୟାରେ ସନ୍ତୁଷ୍ଟ ଅଛନ୍ତି ପରିବାର ଲୋକ। ଅଭିଯୁକ୍ତ ଗୋବିନ୍ଦ ସାହୁକୁ ଫାଶୀ ଦେବାକୁ ଦାବି କରିଛନ୍ତି ମମିତାଙ୍କ ବାପା। ତାଙ୍କ ଝିଅ ମମିତାକୁ ନ୍ୟାୟ ପ୍ରଦାନ କରିବାକୁ ସେ ନିବେଦନ କରିଛନ୍ତି। ହେଲେ ମୋ ଝିଅକୁ ନେଇ ଯେଉଁଭଳି ଭାରେ ରାଜନୀତି ହେଉଛି ତାକୁ ବନ୍ଦ କରାଯାଉ। ରାଜନୀତି ନକରିବାକୁ ହାତ ଯୋଡ଼ି ନିବେଦନ କରିଛନ୍ତି ମମିତାଙ୍କ ବାପା। ଏମିତି ରାଜନୀତି ହେଲେ ମୋଝିଅ ନ୍ୟାୟ ପାଇବ ନାହିଁ। ତେଣୁ ରାଜନୀତିକୁ ବନ୍ଦ କରି ମୋ ଝିଅକୁ ନ୍ୟାୟ ଦିଅନ୍ତୁ ବୋଲି କରିଛନ୍ତି ମମିତା ମେହେରଙ୍କର ବାପା।