ମମିତା ମେହେର ହତ୍ୟା ମାମଲା, ଗୋବିନ୍ଦକୁ ପୋଲିସର ଘନ ଘନ ଜେରା
ବଲାଙ୍ଗିର: ସନ୍ ସାଇନ ପ୍ଲବିକ ସ୍କୁଲ୍ ଅଧ୍ୟକ୍ଷା ମମିତା ମେହେର ହତ୍ୟା ମାମଲା । ରିମାଣ୍ଡରେ ସତ ଉଗାରୁଛି ଅଭିଯୁକ୍ତ ଗୋବିନ୍ଦ ସାହୁ । ଗତକାଲି ରାତିରେ ଗୋବିନ୍ଦକୁ ଏସପି ଅଫିସରୁ କଡ଼ା ସୁରକ୍ଷା ଭିତରେ ରିଜର୍ଭ ପୋଲିସ ବାରାକକୁ ଅଣାଯାଇଥିଲା । ରାଧେ ଘରୁ ମିଳିଥିବା ବ୍ୟାଗ କାହାର ସେ ନେଇ ରିଜର୍ଭ ପୋଲିସ ତିନି ଘଣ୍ଟା ଧରି ପଚରାଉଚରା କରିଥିଲା । ପରେ ବିଳମ୍ବିତ ରାତିରେ ପୁଣି ଗୋବିନ୍ଦଙ୍କୁ ଏସପିଙ୍କ କାର୍ଯ୍ୟାଳୟକୁ ଫେରାଇ ଆଣିଥିଲା ପୋଲିସ ।
ଆଜି ସରୁଛି ଗୋବିନ୍ଦର ରିମାଣ୍ଡ ଅବଧି । ରିମାଣ୍ଡର ଶେଷ ଦିନରେ ଅଧିକ ଜେରା କରି ସତ ଉଗାରିବ ପୋଲିସ । ଏହାସହ ମମିତା ମର୍ଡର ମାମଲାରେ ଗ୍ରାଉଣ୍ଡ ଜିରୋରେ ପହିଞ୍ଚି ସ୍ଥିତି ଅନୁଧ୍ୟାନ କରିଛନ୍ତି ମହିଳା କମିଶନ ଅଧ୍ୟକ୍ଷା । ଝରଣୀ ଗାଁରେ ମମିତାଙ୍କ ପରିବାର ଲୋକଙ୍କୁ ଭେଟି ଆଲୋଚନା କରି ସମସ୍ତ ଘଟଣା ସମ୍ପର୍କରେ ପଚାରି ବୁଝିଥିଲେ ଅଧ୍ୟକ୍ଷା । ଦୋଷୀମାନଙ୍କୁ ଉଚିତ୍ ଦଣ୍ଡ ଦେଇ ମମିତାଙ୍କୁ ନ୍ୟାୟ ଦେବା ପାଇଁ ସେ ପ୍ରତିଶ୍ରୁତି ଦେଇଛନ୍ତି ।
କଲେଜର ଛାତ୍ରଛାତ୍ରୀଙ୍କ କ୍ୟାରିଅର କିଭଳି ଅନ୍ଧାର ଭିତରକୁ ଠେଲି ନହୋଇଯିବ, କିଭଳି କଲେଜ ଠିକଠାକ୍ ଚାଲିବ ସେ ନେଇ ଜିଲ୍ଲା ଶିକ୍ଷା ଅଧିକାରୀ ଓ ଜିଲ୍ଲାପାଳଙ୍କ ସହ ଆଲୋଚନା କରିଥିଲେ । ସେପଟେ ଗୋବିନ୍ଦକୁ କଠୋର ଦଣ୍ଡ ଦେବାକୁ ଏସପିଙ୍କୁ ଭେଟି ଦାବି କରିଛନ୍ତି ମମିତାଙ୍କ ପରିବାର ।
