କେମିତି ରଚିଥିଲା ମମିତାଙ୍କ ହତ୍ୟାର ଷଡ଼ଯନ୍ତ୍ର, ଘଟଣାସ୍ଥଳରେ ଡେମୋ ଦେଖାଇଲା ଗୋବିନ୍ଦ
ବଲାଙ୍ଗୀର: ମମିତା ମର୍ଡର ଓ ମିଷ୍ଟ୍ରିରେ ଦିନ ବଢୁଛି, ସତ ଖୋଲୁଛି। ମମିତା ମେହେର ହତ୍ୟା ମାମଲା। କ୍ରାଇମ୍ ସ୍ପଟରେ ଡେମୋ ଦେଖାଇଲା ଗୋବିନ୍ଦ ସାହୁ। ଉତ୍ତରାଞ୍ଚଳ ଡିଆଜି ଓ ବଲାଙ୍ଗୀର ଏସପିଙ୍କ ନେତୃତ୍ୱରେ ସ୍ୱତନ୍ତ୍ର ପୋଲିସ ଟିମ ଓ ସାଇଣ୍ଟିଫିକ ଟିମ, ଟେକ୍ନିକାଲ ଟିମ୍ ସହ ମମିତା ମର୍ଡର ମିଷ୍ଟ୍ରିର ସିନ ରିକ୍ରିଏସନ ପାଇଁ ଘଟଣାସ୍ଥଳକୁ ଗଲା ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁ। ତିନିଦିନ ରିମାଣ୍ଡ ପରେ ଆଜି କ୍ରାଇମ୍ ସ୍ପଟ ବୁଲି କ୍ରାଇମ୍ ରିକ୍ରିଏସ୍ କରିଛି ଗୋବିନ୍ଦ। କିପରି ଭାବେ ମମିତାକୁ ହତ୍ୟା କରିଥିଲା ତାହାର ଡେମୋ ଦେଖାଇଲା ଗୋବିନ୍ଦ ସାହୁ। ଗୋବିନ୍ଦ ରଚିଥିବା ଷଡଯନ୍ତ୍ରକୁ କ୍ରାଇମ ସିନ ରିକ୍ରିଏସନ କରିଛି ପୋଲିସ ଟିମ ଆଗରେ ଦେଖାଇଥିଲା।
କେମିତି ମମିତାଙ୍କୁ ମାରିଥିଲା ? କେମିତି ମାରିବା ପରେ ଆଣି କଲେଜ୍ କ୍ୟାମ୍ପସ୍ ମିଝି ପୋତିଥିଲା ? ମାରିବା ପୂର୍ବରୁ ମିମିତାଙ୍କ ସହ କଣ କରିଥିଲା ? ସବୁକିଛି କ୍ରାଇମ୍ର ରିକ୍ରିଏସନ୍ କରି ଦେଖାଇଛି ଗୋବିନ୍ଦ। ତେବେ ରିମାଣ୍ଡରେ ଥିବା ମୁଖ୍ୟ ଅଭିଯୁକ୍ତ ଗୋବିନ୍ଦର ରାଜ୍ ଧିରେ ଧିରେ ଖୋଲୁଛି। ଜେରା ବେଳେ କେମିତି ମାରିଲା, କେମିତି ପୋତିଲା ଟିକିନିକି ସତ ଉଗାରିଥିଲା ଗୋବିନ୍ଦ। ମମିତାଙ୍କୁ ହତ୍ୟା କରାଯାଇଥିବା ଗାତରୁ ପୋଡ଼ା ଯାଇଥିବା ମୋବାଇଲ ମିଳିଥିବା ଚର୍ଚ୍ଚା ହେଉଛି। ଅନ୍ୟପଟେ କାର୍ଯ୍ୟରେ ଅବହେଳା ପାଇଁ କେ. ଗାଁ ଆଇଆଇସି ଡମୁ ପରଜାଙ୍କୁ ନିଲମ୍ବନ କରିଛନ୍ତି କଳାହାଣ୍ଡି ଏସପି ଶ୍ରବଣା ବିବେକ। ମମିତା ନିଖୋଜ ନେଇ ପରିବାର ଲୋକ ପ୍ରଥମେ, କେଗାଁ ଥାନାକୁ ଯାଇଥିବା ବେଳେ ଥାନା ଅଧିକାରୀ ଏତଲା ରଖିନଥିବା ଅଭିଯୋଗ କରିଥିଲେ ପରିବାର ଲୋକ।
