କୋଲକାତା ମ୍ୟୁନିସିପାଲିଟି ନିର୍ବାଚନରେ TMCର କ୍ଲିନ୍ ସୁଇପ୍

କୋଲକାତା: ପଶ୍ଚିମବଙ୍ଗରେ ନିଜର ଦବଦବା ଜାରି ରଖିଛି ତୃଣମୂଳ କଂଗ୍ରେସ । କୋଲକାତା ମ୍ୟୁନିସିପାଲିଟି ନିର୍ବାଚନରେ ପୁଣି କମାଲ କରିଛନ୍ତି ଦିଦି । କୋଲକାତା ମ୍ୟୁନିସିପାଲିଟି ନିର୍ବାଚନରେ କ୍ଲିନ ସୁଇପ୍ କରିଛି ଟିଏମସି । କୋଲକାତା ମ୍ୟୁନିସିପାଲିଟିରେ ନିର୍ବାଚନ ହୋଇଥିବା ୧୪୪ ସିଟ ମଧ୍ୟରୁ ୧୩୪ ସିଟରେ ଲିଡ୍ କରୁଛି ଦିଦିଙ୍କ ତୃଣମୂଳ କଂଗ୍ରେସ । ବିଜେପି ୩, କଂଗ୍ରେସ ୨ ଓ ବାମଦଳ ୪ଟି ସିଟରେ ଆଗରେ ରହିଛି । ୧୬ଟି କେନ୍ଦ୍ରରେ ଏହି ଭୋଟଗଣତି ଚାଲିଛି । ସକାଳ ୮ଟାରୁ ଭୋଟ ଗଣତି ଆରମ୍ଭ ହୋଇଛି ।

Heartiest congratulations to all candidates for your victory in the KMC elections. Remember to serve people with utmost diligence and gratitude!

I wholeheartedly thank every single resident of KMC for putting their faith on us, once again.

— Mamata Banerjee (@MamataOfficial) December 21, 2021

ଦିନ ୧୧ଟା ସୁଦ୍ଧା ଟିଏମସି ୭୪.୨ ପ୍ରତିଶତ ଭୋଟ ପାଇଥିବା ବେଳେ ବିଜେପିକୁ ୮ ପ୍ରତିଶତରୁ ବି କମ୍ ଭୋଟ ମିଳିଛି । ଭୋଟଗଣତି ସ୍ଥାନରେ ୧୪୪ ଧାରା ଲାଗୁ କରାଯାଇଛି । ସୁରକ୍ଷା ଦୃଷ୍ଟିରୁ ୩ ହଜାର ପୋଲିସ ମୁତୟନ ହୋଇଛନ୍ତି । ଅଧିକାଂଶ ସିଟରେ ଟିଏମସି ଲିଡ୍ କରିଥିବାରୁ ବିଭିନ୍ନ ସ୍ଥାନରେ ଆରମ୍ଭ ହୋଇ ଯାଇଛି ସେଲିବ୍ରେସନ । ଗତ ମ୍ୟୁନିସିପାଲିଟି ନିର୍ବାଚନ ଅପେକ୍ଷା ଚଳିତ ନିର୍ବାଚନରେ ଟିଏମସି ଅଧିକ ସିଟରେ ବିଜୟ ହାସଲ କରିବ ବୋଲି ଆଶା କରାଯାଉଛି । ୨୦୧୫ ନିର୍ବାଚନରେ ୧୪୪ ସିଟରୁ ୧୧୪ ଓ୍ୱାର୍ଡରେ ଟିଏମସି ଅକ୍ତିଆରକୁ ଆସିଥିଲା । ୧୫ ସିଟରେ ଜିତି ଦ୍ୱିତୀୟ ସ୍ଥାନରେ ରହିଥିଲା ସିପିଏମ୍ । ବିଜେପିକୁ ୭ ଓ କଂଗ୍ରେସ ୫ଟି ସିଟରେ ବହୁମତ ମିଳିଥିଲା ।